Ditɛronɔmi 30:1 - EBƆRƐ BE KAWƆL

¹ “Naniere n ta nɛfa nɛ shoduu nna a nase menyi be anishito nɛ men keni to n lara kumo nɛ menyee sha. Nɛ asheŋ ere kikɛ kaŋ wora menyi nɛ k ba fanɛ men pesaŋ to n ya kaa wɔ efuli pɔtɛana so, menyeeŋ nyiŋi ekpa nɛ m bugi n sa menyi nɛ men keni to n lara kumo nɛ menyee sha na.

Ditɛronɔmi 30:1 ပူးပေါင်းရင်းမြစ်များ

Jɛnesis 4:14

Keni, naniere fo ju ma ashi kasawule ere so nɛ e na durnya ere to chamcham. Ma alɛ maaŋ naŋ tiŋ m ba fo anishito gba. Amoso esa kama nɛ e tu ma kaplɛkama beeŋ mɔ ma.”

1 Bewura 8:34

kumo ere fo yili esoso n nu bumo be kekule nseŋ ta bumo be alubi m paŋ bumo n naŋ bɛta bumo m ba kasawule nɛ fo ta n sa bumo nɛ bumo nananyɛnana na so.

2 Kronikɛls 30:9

Men baŋ bɛta m ba Enyɛnpe Ebɔrɛ na kutɔ, kumo ere basa kama nɛ b kɔ n sɔ men kurgepoana na beeŋ wu bumo kuwɔr nseŋ shin nɛ b naŋ bɛta m ba epe. Men Nyɛnpe men be Ebɔrɛ na la esa ga nsaa wu kuwɔr, amoso nɛ men baaŋ bɛta m ba mo kutɔ, mo alɛ gba beeŋ sɔ menyi.”

Nehemaya 1:9

Ama nɛ fanɛ an bɛta m ba fo kutɔ nseŋ wora kusɔ nɛ fo nase n sa anyi na bre, hale nɛ an pesaŋ to n sɔ durnya ere be efuli kikɛ so gba, feeŋ naŋ bɛta anyi m ba kakpa nɛ fo daŋ yili kumo fanɛ an baa shuŋ fo na.

Aizaaya 46:8

Menyi, basa nɛ men lar ma kaman ere, men shin nɛ demu ere e baa wɔ menyi be nfɛra to, nɛ men baa nyiŋi kumo jemanɛ kikɛ.

Jɛremaya 29:14

Kashenteŋ nɛ mee kaŋɛ na fanɛ menyeeŋ fin ma nseŋ wu ma nɛ ma alɛ e bɛta menyi m ba menyi be kasawule so. Meeŋ chala menyi abar so ashi efuli kama nɛ kaplɛkama nɛ men pesaŋ to n yɔ na, nseŋ bɛta menyi m ba kasawule nɛ n daŋ shin nɛ b pɛ menyi anya kumo so n yɔ efuli pɔtɛ so na so. Ma, Enyɛnpe Ebɔrɛ e kaŋɛ na.”

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 8:3

Bekama nɛ baaŋ ji efute ashi mboŋ kama nɛ b pesaŋ to n yɔ na so beeŋ baa sha luwu a chɔ ŋkpa. Ma, Enyɛnpetale Ebɔrɛ e kaŋɛ na.”

Ezikɛl 18:28

Ŋkpal b ka fɛ bumo be asheŋ wora so na be asheŋ nseŋ yige asheŋ lubi na be kewora so nɛ baaŋ ji efute.

Ezikɛl 6:9

Saŋɛ na so, bumo nɛ baaŋ ji efute na beeŋ fɛ ma asheŋ nseŋ nyiŋi kananɛ b lar ma kaman nsaa shuŋ agbirana nseŋ ta nyɔmɔ m pɛ ma na ashi efuliana nɛ baaŋ tintiŋ bumo n yɔ na so. Ndoŋ nɛ bumo gbagba be asheŋ beeŋ baa nu bumo gbagba agbo ŋkpal bumo asheŋ lubi lubi nɛ b wora so

Zakareya 10:9

Hale ŋ ka shin nɛ b pesaŋ to a wɔ efuli pɔtɛana so ere gba, b kraa nyiŋi ma asheŋ ashi mboŋ wɔfɔ na nna. Bumo nɛ bumo be mbia beeŋ ji efute nseŋ gama abar so m bɛta m ba epe.

Luuk 15:17

E ka wu kebaawɔtɔ nɛ e daa wɔ na to nɛ e bishi mbe kumu le: ‘N tuto be nyɛrbi afanɛ e kɔ ajibi a ji a ka nɛ m ba kaa wɔ nfe nɛ akoŋ bee shin nɛ k mɔ ma n to jiga le?

Ditɛronɔmi 28:28

Enyɛnpe Ebɔrɛ na beeŋ shin nɛ eboŋ e tɔr menyi so nseŋ naŋ shin nɛ men tan. E beeŋ shin nɛ men be nfɛra e wea to nɛ men maaŋ naa fɛ nfɛra niŋi so.

Ditɛronɔmi 28:64

Enyɛnpe Ebɔrɛ na beeŋ shin nɛ men pesaŋ to n sɔ durnya to be efuliana kikɛ so n ya shuŋ agbirana nɛ b ta ndibi nɛ ajembu n lɔŋɛ nɛ menyi nɛ men nananyɛnana maŋ naŋ shuŋ ŋ ku so na.

Ditɛronɔmi 29:27

nɛ e nya agbo n wora bumo nseŋ shin nɛ eshoduu nɛ a wɔ Ebɔrɛ be mbra be kawɔl ere to ba kasawule na so na.

Ditɛronɔmi 29:28

Enyɛnpe Ebɔrɛ na daŋ nya agbo ga nna nseŋ lara bumo ashi bumo gbagba be kasawule so n ya lɛ efuli pɔtɛ nɛ b wɔ kumo so kabre ere so.”

Ditɛronɔmi 30:15

“Kelela nɛ ŋkpa ŋko kulubi nɛ luwu nɛ mee ta a nase menyi be anishito kabre na, nɛ men keni to n lara kumo nɛ menyee sha.

Ditɛronɔmi 30:19

Ade kikɛ be kaman, luwu nɛ ŋkpa nɛ Ebɔrɛ be nɛfa nɛ mbe eshoduu nɛ n ta a nase menyi be anishito na. Ma alɛ bee ta ebɔrɛso nɛ kasawule so nna fanɛ a ji shɛda n sa amo be kumo nɛ menyeeŋ lara. Men lara ŋkpa, saŋɛ na so, menyi nɛ men be mbia beeŋ baa wɔ ŋkpa to.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.