Ditɛronɔmi 3:9 - EBƆRƐ BE KAWƆL

⁹ (Hɛɛmɔn be kebeegboŋ ere nɛ Sidɔnebi bee tre Siriyɔn nɛ Amɔriebi malɛ bee tre kumo Senir.)

Ditɛronɔmi 3:9 ပူးပေါင်းရင်းမြစ်များ

1 Kronikɛls 5:23

Manase be yiri nɛ k wɔ epeŋilarkpa be kaba so na daa shibi ga, ŋkpal loŋ so bumo be basa daŋ chena Bashan be efuli na be kelargato be esoso be kaba so a yɔ Baal Hɛɛmɔn nɛ Senir nɛ kebeegboŋ nɛ baa tre Hɛɛmɔn na be kelargato be esoso be kaba so nna.

Nshɛ 133:3

Kumo alɛ naa du fanɛ bunyaŋ ka shi Hɛɛmɔn be kebeegboŋ na so a wurge Jerusalɛm be abee so nna. Ndoŋ nɛ Enyɛnpe Ebɔrɛ daŋ nase kɔnɔ fanɛ e beeŋ ta ŋkpa nɛ k maŋ kɔ ekar n nɛfa mbe basa na.

Nshɛ 29:6

Enyɛnpe Ebɔrɛ na be kamalga e naa shin nɛ Lebanɔn be kebeegboŋ na bee tɛto fanɛ kenabi, nɛ Hɛɛmɔn be kebeegboŋ malɛ bee tɛto fanɛ gbolu fɔlbi.

Nshɛ 42:6

Fo e la ma Ebɔrɛ. M baŋ fɛ fo asheŋ ashi kakpa nɛ Jɔɔdan be lɔr na fara ashi abeegboŋ nɛ baa tre Hɛɛmɔn nɛ Miza na ase, ma aba bee pɔ ma nna.

Nshɛ 89:12

Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Sɔlɔmɔn 4:8

Ma kejafɔ, shin nɛ an lar Lebanɔn. An lar Lebanɔn be abeegboŋ nɛ baa tre Amana, nɛ Senir nɛ Hɛɛmɔn na to, Amo be alaŋ to nɛ ebuluŋ nɛ ebuful bee di na.

Ezikɛl 27:5

Ndibi nɛ baa tre fir nɛ a shi kebee nɛ baa tre Hɛɛmɔn so na nɛ b ta n lɔŋɛ fo; Nseŋ ta ndibi nɛ baa tre sida nɛ a shi Lebanɔn be efuli so na n wora ndibi tenteŋ nɛ baa chɛ ewajɛ a kre amo nɛ a bee pɛ afu a keta kuloŋ a nite na n sa fo.

Joshuwa 11:17

Kasawule na dese hale n ya fo Halak be kebeegboŋ nɛ k wɔ kelargato be kaseto be kaba so a mata Edɔm be efuli so na, n ta n ya fo Baal Gad nɛ k wɔ kelargato be esoso be kaba so ashi Lebanɔn be ketaŋɛ nɛ k wɔ Hɛɛmɔn be kebeegboŋ na be kelargato be kaseto be kaba so na. Joshuwa nɛ le be bewura ere daŋ kɔ abar kena n chɛr ga, ama e daŋ pɔɔ bumo so m mɔ bumo kikɛ.