Ditɛronɔmi 3:24 - EBƆRƐ BE KAWƆL

²⁴ “Enyɛnpetale Ebɔrɛ, n nyi fanɛ asheŋgboŋ nɛ emamachisheŋ nɛ fee sha kewora na nɛ fo fara ŋ ŋini ma na. Ebɔrɛ kikɛ maŋ naa wɔ ebɔrɛso ŋko kasawule so nɛ e beeŋ tiŋ n wora asheŋgboŋ nɛ fo wora ere!

Ditɛronɔmi 3:24 ပူးပေါင်းရင်းမြစ်များ

2 Samuɛl 7:22

kananɛ fo Enyɛnpetale be keshi du! Fo nawule e la Ebɔrɛ. Dra kikɛ nɛ an nyi fo ka la Ebɔrɛ.

2 Kronikɛls 6:14

ŋ kule Ebɔrɛ le: “Enyɛnpe nɛ fo la Israɛl be Ebɔrɛ na, Ebɔrɛ kikɛ maŋ naa wɔtɔ fanɛ fo ashi esoso nɛ kasawule kikɛ. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ so nɛ b ta bumo be ŋgbene kikɛ a wora kasonu a sa fo na nna.

Nehemaya 9:32

O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Nshɛ 106:2

Esa kikɛ maaŋ tiŋ m malga mbe asheŋgboŋ be asheŋ n ya loge kikɛ. Esa kikɛ malɛ maaŋ tiŋ ŋ kpaŋ mo gba n ya loge.

Nshɛ 145:3

Enyɛnpe Ebɔrɛ na shi ga, nseŋ daga fanɛ b baa kpaŋ mo saŋkama. Ekama maaŋ tiŋ m pin mbe kishi na to.

Nshɛ 145:6

Basa beeŋ baa malga fo asheŋgboŋ be asheŋ nsaa ber fo keshi be kubomboŋ a sa beko.

Nshɛ 150:2

Men baa kpaŋ mo ŋkpal asheŋ gboŋgboŋi nɛ e wora so. Men naa kpaŋ mo ŋkpal e ka shi m baŋ so so.

Nshɛ 35:10

Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Nshɛ 71:19

O Ebɔrɛ, fo kebaawɔtɔ niŋiso shi ga, k salga to hale n ya fo awɔlpa to. Fo e wora asheŋgboŋ ga, esa kikɛ maŋ du fanɛ fo.

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Nshɛ 89:6

Ekama maŋ du fanɛ fo, Enyɛnpe Ebɔrɛ na ashi ebɔrɛso; Ekama malɛ maaŋ tiŋ n ta mbe kumu m ber fo ashi ndoŋ.

Nshɛ 89:8

Fo e la Enyɛnpetale Ebɔrɛ na. Ekama maŋ naa kɔ kasha nsaa ji kashenteŋ fanɛ fo.

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Ɛksodɔs 8:10

Ndoŋ nna nɛ Fɛɛro kaŋɛ: “Kumo ere ba kule Ebɔrɛ n sa ma echefo.” Nɛ Mosis shuli so ŋ kaŋɛ mo: “To, kusɔ nɛ fo kaŋɛ ere beeŋ wora loŋ nɛ fo pin fanɛ esa kikɛ maŋ naa wɔtɔ a du fanɛ Enyɛnpe Ebɔrɛ nɛ e la anyi be Ebɔrɛ na.

Ɛksodɔs 9:14

Nɛ mannɛ aloŋ, meeŋ shin nɛ kulɔ lubi nɛ k chɔ etɔrɔana ere kikɛ e tu fo nɛ fo beyaasepo nɛ fo basa kikɛ nɛ fo pin fanɛ esa kikɛ maŋ naa wɔtɔ a du fanɛ ma ashi durnya ere to kikɛ.

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 40:25

Wanɛ bre nɛ esa beeŋ tiŋ n ta m ber Ebɔrɛ cheembi na? Esa mo e wɔtɔ a du fanɛ mo?

Jɛremaya 10:6

Enyɛnpe Ebɔrɛ, esa kama maŋ du fanɛ fo. Fo shi ga nɛ fo ketre malɛ gba shi a kɔ eleŋ ga.

Danɛl 3:29

Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Nɔmbɛs 23:23

Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Ditɛronɔmi 11:2

Kabre men baa nyiŋi fanɛ menyi nɛ Enyɛnpe Ebɔrɛ na daŋ ŋini ekpa mannɛ menyi be mbia. Menyi e wu Enyɛnpe Ebɔrɛ na ka bɔla mbe yukugboŋ so

Ditɛronɔmi 3:23

Loŋ be jemanɛ na nɛ n daŋ kule Ebɔrɛ kenishipere so ŋ kaŋɛ le:

Ditɛronɔmi 32:3

Meeŋ fur Enyɛnpe Ebɔrɛ na be ketre, nɛ mbe basa e malga mbe keshi be asheŋ.