Ditɛronɔmi 3:18 - EBƆRƐ BE KAWƆL

¹⁸ Loŋ be jemanɛ na gbagba nɛ n ta mbraana ere n sa Ruben nɛ Gad be eyiri nɛ Manase be yiri be bargato nɛ b wɔ epeŋilarkpa be kaba so na: “Enyɛnpe anyi be Ebɔrɛ na e sa menyi kasawule nɛ k dese Jɔɔdan be epeŋilarkpa be kaba so ere. Men bela menyi be benapo ase nɛ b tu Israɛl be eyiri nɛ a ka na n dii Jɔɔdan be lɔrgboŋ na n ya chɛ bumo to ŋ kɔ n sɔ kasawule na n chena so.

Ditɛronɔmi 3:18 ပူးပေါင်းရင်းမြစ်များ

Jɛnesis 15:7

Kede be kaman nɛ Enyɛnpe Ebɔrɛ na naŋ kaŋɛ mo le: “Ma e la Enyɛnpetale Ebɔrɛ nɛ e lara fo ashi Ur nɛ k wɔ Babilɔn be efuli so na nsaa shin nɛ n ta kasawule ere n sa fo nɛ k baa la feya.”

Nshɛ 136:21

Ebɔrɛ e daŋ sɔ bewuraana ere be nsawule n sa mbe basa na; mbe kasha nɛ k maa chɛrga na malɛ wɔtɔ nna mbaanaayɔ.

Nɔmbɛs 33:53

Men sɔ kasawule na kikɛ n chena so, ŋkpal manɛ so, ma e naa ta kumo a sa menyi.

Ditɛronɔmi 12:1

Mbraana nɛ a daga fanɛ men baa wora amo kasonu ashi kasawule nɛ Enyɛnpe Ebɔrɛ nɛ menyi nananyɛnana shuŋ na ta a sa menyi na so nna na. Men nu amo!

Ditɛronɔmi 15:4

Enyɛnpe menyi be Ebɔrɛ na beeŋ nɛfa menyi ashi kasawule nɛ e ta a sa menyi na so.

Ditɛronɔmi 19:14

Ekama be kapetɛsawule kɔ egbaŋ to be ndulgijembu nna a ŋini kumo be ekar ashi kasawule nɛ Enyɛnpe Ebɔrɛ na bee sa menyi na so. Amoso men sa maŋ kaa firgi men braana be ndulgijembu.

Ditɛronɔmi 19:2

men barga efuli na to ntuŋ asa, nɛ katuŋ kama e baa kɔ kade nɛ kumo to be keshile n yɔ maaŋ baa du kpakpa. Saŋɛ na so menyi be ekama nɛ e mɔ esa, beeŋ tiŋ n shile n ya ŋana nɛ b sa maŋ mɔ mo alɛ gba.

Ditɛronɔmi 19:7

Amoso nɛ ŋ kaŋɛ fanɛ a daga men lara nde asa n yili nɛ basa e baa shile a yɔ amo to n ya kaa ŋana nsaa nya bumo be amu na.

Ditɛronɔmi 21:1

Nɛ fanɛ men wu b ka mɔ esa n nase kupuŋ to ashi kasawule nɛ Enyɛnpe menyi be Ebɔrɛ na ta a sa menyi na so, ama menyi alɛ maŋ pin esa nɛ e mɔ mo na,

Ditɛronɔmi 25:19

Amoso, nɛ Enyɛnpe menyi be Ebɔrɛ na kaŋ sa menyi kasawule na, nɛ men chena kumo so nɛ kayurwushi, a daga fanɛ men mur Amalɛkebi na kikɛ, saŋɛ na so, esa kama maaŋ naŋ nyiŋi bumo be asheŋ gba kuraa. Men sa maŋ kaa teŋ kesheŋ ere so kikɛ!

Ditɛronɔmi 5:31

Ama fo ere, Mosis, e shir ma kutɔ nfe nɛ n ta ma mbraana kikɛ n sa fo nɛ fo ta amo n ya ŋini basa na, saŋɛ na so baaŋ baa wora amo kasonu ashi kasawule nɛ mee sa bumo na so.”

Ditɛronɔmi 6:1

“Mbraana nɛ Enyɛnpe menyi be Ebɔrɛ na ta n sa ma fanɛ ŋ ŋini menyi nna na. Men ya kaa wora amo kasonu ashi kasawule nɛ menyee dii Jɔɔdan be lɔr na a yɔ nɛ men ya sɔ n chena so na.

Ditɛronɔmi 9:6

A daga men baa nyi fanɛ Enyɛnpe menyi be Ebɔrɛ na maa ta kasawule lela nɛ k bee wora adɔjibi ga na nna a sa menyi ŋkpal k ka daga menyi so. Mannɛ aloŋ nna, ŋkpal manɛ so, men kpeŋ nna.

Joshuwa 1:11

“Men nite keeyi na to ŋ kaŋɛ men be basa kikɛ fanɛ b bela ase n ta bumo be ajibi nɛ nchu, ŋkpal manɛ so nchɛ asa be kefɛato menyeeŋ dii Jɔɔdan be lɔr na n ya sɔ kasawule nɛ Enyɛnpe menyi be Ebɔrɛ na kɔ a sa menyi na so.”