n wora kusɔ kama nɛ Enyɛnpe Ebɔrɛ kaŋɛ fanɛ fo wora na, nsaa bɛ mbe keŋini nɛ mbra kama nɛ an nananyɛn Mosis sibɛ n nase na so, saŋɛ na so, kusɔ kama nɛ fee wora nɛ kaplɛkama nɛ fo yɔ, asheŋ beeŋ nyalɛ n sa fo.
Kusɔ kama nɛ e bee wora daa yɔ anishito nna ŋkpal bɔrɛlambu na to be kusɔ kama nɛ e wora ka daa walɛ nɛ mo alɛ naa kɔ kasonu n sa Enyɛnpe Ebɔrɛ be mbra na so.
Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.
Kananɛ Enyɛnpe Ebɔrɛ na nɛ Israɛlebi na be kɔnɔkoŋwule be ŋkre, nɛ e kaŋɛ Mosis kenishipere so ashi Mowab be kasawule so na, bee nite nde. Le be ŋkre ere gba ti amo nɛ bumo nɛ Enyɛnpe Ebɔrɛ na daŋ kre ashi kebeegboŋ nɛ baa tre Sainai na ase na so nna.
Menyeeŋ tre benyɛn nɛ beche nɛ mbia nɛ befɔ nɛ b tu menyi n chena men be ndeana to na n shɛr; saŋɛ na so, bumo be ekama beeŋ nu mbra na nseŋ koya kebaabunyaŋ Enyɛnpe menyi be Ebɔrɛ na a wora mbe mbraana kasonu kashenteŋto.
Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”
Leŋ fo kumu to nsaa kɔ kagbene nɛ kenyɛn. Wora ania a bɛ mbra nɛ ma kayɛrbi Mosis sa fo na so. Sa maŋ kaŋ yige mbra na be kedosobi gba n lɛ. Nɛ fo wora loŋ bre kaplɛkama nɛ fo yɔ, asheŋ beeŋ baa nyalɛ, a sa fo.
Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.
Ndoŋ nna nɛ Joshuwa tre Israɛl be eyiriana na kikɛ m ba Shɛchem. Bumo be benimuana nɛ bejuŋkparpo nɛ demujipoana nɛ ekrachiana nɛ e daŋ tre m ba Ebɔrɛ be anishito