Ditɛronɔmi 29:2 - EBƆRƐ BE KAWƆL

² Mosis tre Israɛl be basa na kikɛ nna n shɛr nseŋ kaŋɛ bumo le: Menyi gbagba daŋ wu kusɔ nɛ Enyɛnpe Ebɔrɛ na wora Ijipt be ewura nɛ mbe benimuana nɛ bekama nɛ b wɔ mbe efuli so na.

Ditɛronɔmi 29:2 ပူးပေါင်းရင်းမြစ်များ

Ɛksodɔs 19:4

‘Men wu kusɔ nɛ n daŋ wora Ijiptebi na nɛ kananɛ n daŋ ta menyi fanɛ kusore ka ta mo pibi a firgi na, m bar menyi ma kutɔ nfe.

Ɛksodɔs 8:12

Mosis nɛ Ɛɛrɔn ka lar Fɛɛro kutɔ nɛ Mosis ya kule Enyɛnpe Ebɔrɛ a laŋɛ epulo nɛ mo ere Ebɔrɛ daŋ bar nɛ e ba gberge Fɛɛro kusoe na be kaplɛa so.

Aizaaya 42:20

Fo, Israɛl, wu asɔ damta ga, ama fo alɛ be lakal maŋ wɔ amo to. Fo kɔ asoe nɛ a beeŋ tiŋ n nu asheŋ, ama fo alɛ maŋ kaŋ asoe n nu shɛŋ.”

Ditɛronɔmi 1:30

Enyɛnpe men be Ebɔrɛ na e naaŋ juŋkpar ŋ kɔ n sa menyi, fanɛ kananɛ men wu e ka wora ashi Ijipt be efuli so

Ditɛronɔmi 11:7

Kashenteŋto, menyi gbagba e wu asheŋgboŋ nɛ Enyɛnpe Ebɔrɛ na wora ere kikɛ kenishiso.

Ditɛronɔmi 29:1

Kananɛ Enyɛnpe Ebɔrɛ na nɛ Israɛlebi na be kɔnɔkoŋwule be ŋkre, nɛ e kaŋɛ Mosis kenishipere so ashi Mowab be kasawule so na, bee nite nde. Le be ŋkre ere gba ti amo nɛ bumo nɛ Enyɛnpe Ebɔrɛ na daŋ kre ashi kebeegboŋ nɛ baa tre Sainai na ase na so nna.

Ditɛronɔmi 29:3

Menyi alɛ naŋ wu alɔ lubi nɛ emamachisheŋ nɛ Enyɛnpe Ebɔrɛ na wora ashi Ijipt be efuli so ndoŋ.

Joshuwa 24:17

Enyɛnpe Ebɔrɛ na ka lara anyi nɛ an tutoana kenyaya to ashi Ijipt be kasawule so na, an wu emamachisheŋ nɛ e daŋ wora. Mo e daŋ kuŋ anyi ashi anyi be enite kikɛ to ashi efuli kama so nɛ an bɔla n choŋ.

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.