Ditɛronɔmi 28:8 - EBƆRƐ BE KAWƆL

⁸ Enyɛnpe Ebɔrɛ na beeŋ nɛfa menyi be ashuŋ nseŋ shin nɛ menyi be mpuro e bɔlɔ ayu ashi kasawule nɛ e ta a sa menyi ere so.

Ditɛronɔmi 28:8 ပူးပေါင်းရင်းမြစ်များ

2 Bewura 6:27

Nɛ ewura na malɛ kaŋɛ: “Enyɛnpe Ebɔrɛ baa maŋ chɛ fo to, manɛ be kechɛto nɛ malɛ beeŋ tiŋ n sa fo? Fo wu ŋ ka kɔ ayu nɛ asɔnuuso nna nɛ n sa fo a?”

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Nshɛ 128:2

E beeŋ ji mbe kegben be tɔnɔ; asheŋ beeŋ baa nite nɛnɛ a sa mo nɛ mbe kagbene e fuli mo.

Nshɛ 133:3

Kumo alɛ naa du fanɛ bunyaŋ ka shi Hɛɛmɔn be kebeegboŋ na so a wurge Jerusalɛm be abee so nna. Ndoŋ nɛ Enyɛnpe Ebɔrɛ daŋ nase kɔnɔ fanɛ e beeŋ ta ŋkpa nɛ k maŋ kɔ ekar n nɛfa mbe basa na.

Nshɛ 144:13

Shin nɛ anyi be mpuro e bɔlɔ adɔjibi be yiri kikɛ nɛ anyi be mbolpɔ e kurge ga n salga n sɔ kaplɛkama,

Nshɛ 42:8

Karechɛ kikɛ fee wora alela nna. Kanyɛso malɛ kikɛ fee sa ma kashɛ popɔr nna, a ŋini ma fo kasha nɛ k maa chɛrga na, nɛ k la ma kabɔrɛkule a yɔ fo kutɔ. Enyɛnpe Ebɔrɛ, fo wɔ ŋkpa to nna.

Nshɛ 44:4

Fo e la ma Ebɔrɛ nɛ ma ewura; fo e shin nɛ Israɛlebi kɔ m pɔɔ so.

Levitikɔs 25:21

Ma, Enyɛnpe Ebɔrɛ na beeŋ nɛfa kasawule na kafɛ shesopo na to, saŋɛ na so adɔjibi nɛ a beeŋ wora na beeŋ tiŋ n ji menyi n fo nfɛ asa.

Levitikɔs 26:10

Adɔjibi nɛ menyeeŋ teŋi beeŋ baa shi alegaiso hale nɛ kafɛ e bɔɔ m ba tu amo, nɛ men muu adra na n ya lɛ nseŋ nya ebu n wɔtɔ ajibi popɔr nɛ menyeeŋ teŋi na.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

Matiu 13:30

Men yige amo nɛ alela na kikɛ nɛ a baa yil a daŋ hale nɛ kasɔteŋi be jemanɛ e ya fo nɛ ŋ kaŋɛ beteŋipo na le: Men tia alubi na pɔɛŋ ŋ kre amo ntuŋ so n ta amo n wɔtɔ edɛ to. Amo be kaman nɛ men teŋi alela na n wɔtɔ ma kapuro to.’ ”

Matiu 6:26

Men keni mbuibi ka wɔ esoso a firgi na, b maa duu shɛŋ, bumo alɛ maa teŋi shɛŋ ŋko a chala asɔ a wɔtɔ mpuro to, ŋkeshin nɛ men Tuto nɛ e wɔ ebɔrɛso na malɛ bee sa bumo asɔ jiso. Men keni, men maŋ bɔ bumo a?

Luuk 12:18

Ndoŋ nna nɛ nfɛra ba mo to nɛ e kaŋɛ mbe kumu: ‘N nyi kusɔ nɛ meeŋ wora. Meeŋ jija ma mpuro ere nseŋ naŋ lue agboŋi n ta ma ayu ere nɛ ma adɔjibi nɛ a ka na kikɛ n wɔtɔ amo to.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 15:10

Amoso men baa wora betirpo be asheŋ tirso yɛlyɛla so a sa bumo, mannɛ kejimuni so. Saŋɛ na so nɛ Enyɛnpe Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 15:4

Enyɛnpe menyi be Ebɔrɛ na beeŋ nɛfa menyi ashi kasawule nɛ e ta a sa menyi na so.

Ditɛronɔmi 28:20

Nɛ fanɛ men kini Enyɛnpe Ebɔrɛ na nseŋ wora kulubi, e beeŋ shin nɛ kumu lubi gboŋgboŋi nɛ kebagato nɛ etɔrɔ e ba kusɔ kama nɛ menyeeŋ wora so nɛ men mur cheche.

Ditɛronɔmi 28:7

“Enyɛnpe Ebɔrɛ na beeŋ chɛ to ŋ kɔ m pɔɔ men doŋana so. Baaŋ mel abar m bɔla kaboŋ koŋwule m ba menyi so, ama baaŋ pesaŋ to m bɔla mboŋ damta so m bɛta n shile.