Ditɛronɔmi 28:7 - EBƆRƐ BE KAWƆL

⁷ “Enyɛnpe Ebɔrɛ na beeŋ chɛ to ŋ kɔ m pɔɔ men doŋana so. Baaŋ mel abar m bɔla kaboŋ koŋwule m ba menyi so, ama baaŋ pesaŋ to m bɔla mboŋ damta so m bɛta n shile.

Ditɛronɔmi 28:7 ပူးပေါင်းရင်းမြစ်များ

2 Bewura 7:5

Kanyɛ ka bee biri, nɛ ebotipo ana na lar n yɔ Siriyaebi na be keeyi to nɛ esa kama maŋ wɔtɔ. Enyɛnpe Ebɔrɛ na e shin nɛ Siriya be benapo na nu egbri ko fanɛ benapo damta ka dii egbaŋɛ nɛ egbaŋɛturko a ba na, nseŋ fɛ fanɛ Israɛl be ewura na e ya haya Hitebi nɛ Ijiptebi be bewura nɛ bumo benapo fanɛ b ba kɔ bumo kena.

2 Kronikɛls 19:4

Kashenteŋ nna fanɛ ewura Jehoshafat daa wɔ Jerusalɛm nna, ama e daa yili Bɛshiba nɛ k wɔ kelargato be kaseto be kaba so na nna a nite a bɔɔ basa na so n ya ka fo Efrayim be kebee be efuli na be kelargato be esoso be kaba so be ekarso saŋkama a leŋ bumo to fanɛ b naŋ bɛta a shuŋ bumo nananyɛnana be Ebɔrɛ na.

Nshɛ 18:38

Ŋ ŋmɛa bumo n lɛ nɛ b koso ŋ gben, nɛ n chichi bumo so n nase ma aya to.

Nshɛ 89:23

Meeŋ tɔrɔ mo doŋana ga nseŋ mɔ ekama nɛ e kishi mo.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.

Ditɛronɔmi 28:6

Enyɛnpe Ebɔrɛ na beeŋ nɛfa kusɔ kama nɛ menyeeŋ wora kikɛ.

Ditɛronɔmi 28:8

Enyɛnpe Ebɔrɛ na beeŋ nɛfa menyi be ashuŋ nseŋ shin nɛ menyi be mpuro e bɔlɔ ayu ashi kasawule nɛ e ta a sa menyi ere so.

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Joshuwa 23:10

Menyi be ekama beeŋ tiŋ ŋ kɔ basa kagboŋ m pɔɔ bumo so ŋkpal men Nyɛnpe Ebɔrɛ ka bee kɔ a sa menyi fanɛ kananɛ e nase kɔnɔ fanɛ e beeŋ wora na so.

Joshuwa 8:22

Ndoŋ nna nɛ Israɛlebi nɛ b wɔ kade na to na gba ba chɛ bumo braana na to a kɔ. Israɛlebi na daŋ kulti Ai be benyɛn na kikɛ nna n wɔtɔ n mɔ bumo kikɛ. Bumo be ekama daa maŋ nya kakpa n shile, ekama malɛ daa maŋ pete.