Ditɛronɔmi 28:53 - EBƆRƐ BE KAWƆL

⁵³ Jemanɛ nɛ men doŋana beeŋ kre kena m ba kulti menyi be ndeana n wɔtɔ na, ajibi be asheŋ beeŋ ki kpakpa n sa menyi nɛ men baa yɛla kenishi to a fin ajibi hale n ya kaa pɛ mbia nɛ Enyɛnpe menyi be Ebɔrɛ na sa menyi na a we.

Ditɛronɔmi 28:53 ပူးပေါင်းရင်းမြစ်များ

Jɛremaya 19:9

Bedoŋ beeŋ ba kulti kadegboŋ na n wɔtɔ a fin kebure egbalana n luri m mɔ kumo to be basa. Ajibi beeŋ loge kadegboŋ na to nɛ basa na e baa mɔ bumo braana nɛ bumo be mbia gba a we ŋkpal akoŋ so.”

Nfabel 2:20

O Enyɛnpe Ebɔrɛ, keni anyi a! Manɛ nna nɛ fee gberge anyi kusoe loŋ? A maŋ daga fanɛ bibinioana e baa daŋɛ bumo be mbi shaso a we! Ŋko nɛ basa e baa mɔ bɔrɛmatapoana nɛ anebiana na fo bɔrɛlambu gbagba to loŋ!

Nfabel 4:10

Kemurgboŋ nɛ k daŋ ba ma basa so na daŋ shin nɛ beche nɛ baa sha bumo be mbia ga gbagba daŋɛ bumo be mbia nɛ b wu nna n we ŋkpal akoŋ so.

Ezikɛl 5:10

Bekurgepo beeŋ kpal akoŋ so a mɔ bumo be mbia a we nɛ mbia e baa mɔ bumo bekurgepoana a we. Meeŋ gberge menyi kusoe hale nɛ bekama nɛ baaŋ ji efute gba na e pesaŋ to n yɔ mboŋ wɔfɔ.

Levitikɔs 26:29

Akoŋ nɛ k beeŋ pɛ menyi na beeŋ wora alegai n shin nɛ men we menyi gbagba be mbia be eblaŋ.

Matiu 24:19

Yee, kumo be jemanɛ na bedampoche nɛ beche nɛ b kɔ mbia nɛ b kraa wɔ enɔ to beeŋ wu asheŋ ga.

Ditɛronɔmi 28:18

Enyɛnpe Ebɔrɛ na be kɔnɔsho beeŋ ba menyi nɛ menyi be mbia nɛ adɔjibi nɛ ana nɛ mbolpɔ so nɛ a maaŋ foo.

Ditɛronɔmi 28:54

Jemanɛ na kaŋ fo, menyi to be enyɛn kama nɛ e du boeŋ nsaa la esa gba beeŋ ba kaa yɛla kenishi to a fin ajibi hale n ya pɛ mbe mbia ko n we ŋkpal e ka maŋ nya ajibi nɛ e ji so. E maaŋ sa mo niopibi ŋko mbe eche nɛ e bee sha ga ŋko mbe mbia nɛ b ka na gba be ekama, kebia nɛ e mɔ a we na be eblaŋ na be ako.