Ditɛronɔmi 28:52 - EBƆRƐ BE KAWƆL

⁵² Bumo alɛ beeŋ kre kena m ba kulti kade kama nɛ k wɔ kasawule nɛ Enyɛnpe, menyi be Ebɔrɛ na ta a sa menyi ere n wɔtɔ. Baaŋ bure egbal lempo jeŋgreŋana nɛ menyeeŋ pɔr ŋ kulti men be ndeana n ta men be yirda n deŋi amo so na.

Ditɛronɔmi 28:52 ပူးပေါင်းရင်းမြစ်များ

2 Bewura 18:13

Ewura Hɛzekaya ka bee ji Juda be efuli so be kuwura be kafɛ kuduanasopo to nɛ Sennakerɛb nɛ e la Asiriya be efuli so be ewurgboŋ na ba kɔ Juda be ndegboŋ nɛ b pɔr egbal ŋ kulti na n sɔ amo.

2 Bewura 6:29

Amoso an daŋ mɔ ma kebia nna n daŋɛ n we ndre. Nɛ ŋ kaŋɛ mo fanɛ kabre mo alɛ peya e ka nɛ an mɔ n daŋɛ n we nɛ e ta mo n ya ŋana!”

Aizaaya 1:7

Menyi be efuli na kikɛ mur nɛ esa kikɛ maŋ naa wɔ kumo so nɛ kumo be ndegboŋana na chɔɔ a dese fuloŋ. Men yil a keni nna nɛ befɔ ta menyi be kasawule nseŋ mur kusɔ kama cheche.

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Jɛremaya 10:17

Ade kikɛ be kaman nɛ ŋ kaŋɛ Juda be basa na le: “Men doŋana e kulti menyi n wɔtɔ na. Amoso men koli menyi be asɔ abar so nseŋ wora shiriya n lar kasawule na so.

Jɛremaya 10:18

Enyɛnpe Ebɔrɛ na bee sha kelara menyi kasawule ere so nna na. E beeŋ shin nɛ men doŋana e ta kenishi m pere menyi nseŋ tintiŋ menyi n lar men be kasawule so. Enyɛnpe Ebɔrɛ e kaŋɛ na.”

Jɛremaya 37:8

Saŋɛ na so Babilɔnebi na beeŋ naŋ bɛta m ba kɔ m pɔɔ Jerusalɛm so nseŋ chɔɔ kumo n lɛ.

Nfabel 2:2

Enyɛnpe Ebɔrɛ na daŋ maŋ wu ndekarso nɛ a wɔ Juda be efuli so na kikɛ kuwɔr nseŋ shin nɛ a mur. E daŋ shin nɛ mboŋ lempoana nɛ a daa kuŋ kasawule na kikɛ bure n tɔr nna, nseŋ shin nɛ efuli na nɛ bejuŋkparpoana kikɛ ji anishinyɔr.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Zakareya 12:2

E yɛ: “N yili kumo nna fanɛ Jerusalɛm e ki fanɛ yabra kurwa nɛ efuliana nɛ a mata kumo na e nuu m boo. Kananɛ baaŋ kre kena m ba kulti Jerusalɛm n wɔtɔ na, aloŋ nɛ baaŋ wora Juda be efuli na kikɛ so.

Zakareya 14:2

Enyɛnpe Ebɔrɛ na e naŋ gama efuli pɔtɛana na abar so nɛ b ba kɔ Jerusalɛm kena. Baaŋ pɔ kadegboŋ na so nseŋ luri elaŋ to m muu asɔ nseŋ pur beche. Baaŋ pɛ basa na be bargato ŋ ki anya n yɔ efuli pɔtɛana so, ama b maaŋ lara bumo nɛ baaŋ ka na bre kadegboŋ na to.

Matiu 22:7

Ndoŋ nna nɛ ewura na nya agbo ga nseŋ shuŋi mbe benapo nɛ b ya mɔ bemɔpo na kikɛ nseŋ chɔɔ bumo be kade na.

Ditɛronɔmi 28:51

Baaŋ suge menyi be asɔbɔya nɛ adɔjibi kikɛ nɛ akoŋ a mɔ menyi. B maaŋ yige ayu ŋko yabra belbelso ŋko ɔlifs be ŋku ŋko ana ŋko mbolpɔ kama n sa menyi.