Ditɛronɔmi 28:32 - EBƆRƐ BE KAWƆL

³² Basa beeŋ ba pɛ menyi be mbia tintiŋ so n yɔ efuli pɔtɛ so nɛ men baa yil a keni, ama menyi alɛ maaŋ tiŋ n wora shɛŋ. Karechɛ kikɛ menyeeŋ baa mɛrge anishi a keni ekpa fanɛ menyi be mbia na beeŋ bɛta m ba hale nɛ menyi maaŋ naa wu nɛnɛ. Ama mbia na malɛ maaŋ naŋ bɛta m ba kikɛ.

Ditɛronɔmi 28:32 ပူးပေါင်းရင်းမြစ်များ

2 Kronikɛls 29:9

B daŋ mɔ an tutoana ashi kena to nna nseŋ pɛ anyi be beche nɛ mbia kena to n yɔ efuli pɔtɛ so.

Job be kawɔl 11:20

Ama basa lubi bre beeŋ paŋ tama nseŋ fo akpa. Bumo be tama kikɛ beeŋ baa la luwu nna.”

Job be kawɔl 17:5

B ji m bri ma nna ŋkpal kusɔ nɛ baaŋ nya so, amoso shin nɛ bumo be mbia be anishi e biri bumo.

Job be kawɔl 31:8

kumo ere basa pɔtɛ e ji ma adɔjibi ŋko ma adɔjibi e mur kuraa.

Nshɛ 119:123

Ŋ keni fo kumɔlga nɛ fo nase kumo be kɔnɔ na ekpa hale nɛ ma anishi gben a besa.

Nshɛ 119:82

N to kenishi a keni fo kɔnɔ naseso ekpa n ya gben. Saŋɛ mo nɛ feeŋ wu ma kuwɔr nseŋ chɛ ma to?

Nshɛ 69:3

N shu n tre fo hale ma eleŋ kikɛ loge, nɛ ma ebɔl to wɔl. N mɛrge anishi ŋ keni fo ekpa, hale ma anishi bee kurge.

Aizaaya 38:14

N daa shu nna fanɛ kabɔrɛpɔpɔbi, nseŋ daa naa shu kuwɔr so fanɛ lepɔ na. N daŋ dese nna a keni fo Enyɛnpe Ebɔrɛ na anishito, hale nɛ ma anishi gben, a maŋ naa wu nɛnɛ. Jande, Enyɛnpe Ebɔrɛ, mɔlga ma ashi etɔrɔ ere kikɛ to.

Nfabel 1:18

Enyɛnpe Ebɔrɛ na kɔ ekpa nɛ e wora loŋ, ŋkpal manɛ so, anyi maŋ wora mo kasonu nna. Kaplɛkama be basa, men nu nfe. Men keni ebesa nɛ anyee ji. An doŋana pɛ anyi be mbifɔlbi nna n yɔ kenyaya to ashi efuli wɔfɔ so.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Nfabel 4:17

Ade kikɛ be kaman, an daa keni a fin kechɛto ashi efuli pɔtɛ ko kutɔ, ama anyi be tama ki fuloŋ; ŋkpal manɛ so, efuli na maŋ tiŋ n chɛ to m mɔlga anyi.

Nfabel 5:17

Anyi be eyur be kaplɛkama bee besa nna; anyi maŋ naa wu nɛnɛ ŋkpal anishichubi so.

Ezikɛl 24:25

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Dimɛdi pibi, Ezikɛl, meeŋ mur bɔrɛlambu nɛ basa na be ŋgbene bee fuli so nɛ baa puchi kumo so nsaa sha kumo to be kebaayɔ ga na. Ma alɛ beeŋ lara bumo be mbia ashi bumo to.

Jowɛl 3:6

Men ta Juda be efuli so ebi nɛ Jerusalɛmebi n lar bumo gbagba be efuli so n yɔ kufɔ kufɔ n ya fa n sa Griik be efuli so ebi.

Eemɔs 5:27

Amoso meeŋ shin nɛ men doŋana e pɛ menyi nseŋ tintiŋ menyi n yɔ kadegboŋ nɛ baa tre Damaskɔs na hale m baŋ kumo so n yɔ efuli wɔfɔ kenyaya to.” Enyɛnpe Ebɔrɛ nɛ mbe ketre la Enyɛnpetale Ebɔrɛ na e malga na.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Maika 4:10

Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.

Nɔmbɛs 21:29

Asheŋ maaŋ nyalɛ n sa menyi Mowabebi! Chemɔsh be kegbir nɛ menyee shuŋ na mur cheche! Men be kegbir na shin nɛ men be benyɛn shile kena n yɔ efuli pɔtɛ so. Nɛ beche na malɛ ki basa nɛ Amɔriebi be bewura pɛ kena to.

Ditɛronɔmi 28:18

Enyɛnpe Ebɔrɛ na be kɔnɔsho beeŋ ba menyi nɛ menyi be mbia nɛ adɔjibi nɛ ana nɛ mbolpɔ so nɛ a maaŋ foo.

Ditɛronɔmi 28:31

Baaŋ mɔ menyi gbagba be ana m bɛ amo menyi be anishito, ama menyi alɛ maaŋ nya amo be eblaŋ n we. Basa pɔtɛ beeŋ ba kaa kpa menyi be ekurma nɛ mbolpɔ a yɔ nɛ men baa keni, ama esa kikɛ maaŋ baa wɔtɔ nɛ e tintiŋ bumo nɛ b bɛta asɔbɔya na m ba sa menyi.

Ditɛronɔmi 28:41

Menyeeŋ kurge mbia damta, ama menyi alɛ beeŋ paŋ bumo. Ŋkpal manɛ so, bedoŋ beeŋ pɛ bumo anya ashi kena to n yɔ efuli pɔtɛana so.

Ditɛronɔmi 28:65

Menyi alɛ maaŋ nya kayurwushi kaplɛkama. Menyeeŋ baa yɛlga epe, ama menyi alɛ maaŋ tiŋ m bɛta n yɔ.