Ditɛronɔmi 28:30 - EBƆRƐ BE KAWƆL

³⁰ Menyi to be eko beeŋ ji eche be kesha nsaa sha keta mo, ama pɔɛŋ nɛ b wora kejafɔ, esa pɔtɛ e naaŋ pur eche na n jija mo. Beko beeŋ pɔr nwu, ama bumo alɛ maaŋ nya n chena amo to. Beko beeŋ dɔ ndibi sɔrso be adɔ, bumo alɛ maaŋ nya amo be asɔrso juŋkparso gba n ji.

Ditɛronɔmi 28:30 ပူးပေါင်းရင်းမြစ်များ

2 Samuɛl 12:11

Ma Enyɛnpe Ebɔrɛ e naa kaŋɛ fo na fanɛ meeŋ shin nɛ esa ko nɛ e shi fo kanaŋ to e kil asheŋ m ba sa fo. Ma alɛ beeŋ sɔ fo beche fo kutɔ n ta bumo n sa fo kanaŋ to be esa ko nɛ mo bumo e di keche nɛ kenyɛn kowushina kapiidi basa be anishito.

Job be kawɔl 20:18

Ŋkpal b ka puni betirpo n suge bumo be nwu so, bumo be kegben beeŋ to jiga nɛ b maaŋ ji amo be tɔnɔ.

Job be kawɔl 3:18

Basa nɛ b daŋ ti ebu gba bee nya kayurwushi nna, b maŋ naa nu basa nɛ baa keni bumo so na be kaponte ŋko a wu bumo be kamɛaŋ.

Job be kawɔl 31:10

Ebɔrɛ e shin nɛ enyɛn pɔtɛ e suge ma eche ŋ kutɔ.

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Jɛremaya 6:12

Meeŋ gberge Juda be basa kusoe nseŋ ta bumo be nwu nɛ adɔsawule nɛ bumo be beche n sa basa pɔtɛ.

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Nfabel 5:11

B pur anyi be beche nɛ anyi be mbichesobi Zayɔn be kebee so ashi Jerusalɛm nɛ Juda be efuli so be ndeana to.

Nfabel 5:2

Anyi be kasawule laŋɛ basa pɔtɛ be enɔ to; nɛ befɔ sɔ anyi be nwu n chena to.

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Maika 6:15

Menyi beeŋ dɔ n duu, ama menyi maaŋ nya shɛŋ n teŋi. Menyeeŋ ta ɔlif be bibi n wora ŋku, ama menyi alɛ maaŋ nya ŋku na n wora shɛŋ. Menyeeŋ ku eyabra ŋko n daŋɛ nsa, ama menyi maaŋ nya yabra ŋko nsa n nuu.

Habakuk 3:17

Hale nɛ figi be ndibi maŋ sɔr gba, nɛ afeelebi nɛ baa tre greeps na maŋ kɔ asɔrso; hale nɛ ɔlif be ndibi maŋ sɔr shɛŋ, nɛ adɔsawule maŋ wora ajibi gba; hale nɛ kubolpɔ koŋwule gba maŋ naa wɔtɔ, nɛ kena koŋwule maŋ naa wɔ kenalu to gba,

Zefanaiya 1:13

Basa pɔtɛ beeŋ suge bumo be asɔ lela kikɛ nseŋ bure bumo be nwu. B maaŋ nya n chena nwu nɛ bumo gbagba pɔr to ŋko n nya bumo be ndibisɔrso be asɔrso nɛ baa tre greeps na be nsa n nuu.”

Ditɛronɔmi 28:31

Baaŋ mɔ menyi gbagba be ana m bɛ amo menyi be anishito, ama menyi alɛ maaŋ nya amo be eblaŋ n we. Basa pɔtɛ beeŋ ba kaa kpa menyi be ekurma nɛ mbolpɔ a yɔ nɛ men baa keni, ama esa kikɛ maaŋ baa wɔtɔ nɛ e tintiŋ bumo nɛ b bɛta asɔbɔya na m ba sa menyi.