Ditɛronɔmi 28:1 - EBƆRƐ BE KAWƆL

¹ Nɛ Mosis naŋ kaŋɛ Israɛl be basa na le: Nɛ fanɛ menyeeŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ n ta a sa menyi kabre ere so kashenteŋto, e beeŋ shin nɛ men ki efuligboŋ nsaa kɔ eleŋ ga a chɔ efuliana nɛ a ka a wɔ durnya to na kikɛ.

Ditɛronɔmi 28:1 ပူးပေါင်းရင်းမြစ်များ

1 Kronikɛls 14:2

Nɛ Deevid pin fanɛ Enyɛnpe Ebɔrɛ na e yili kumo kashenteŋto fanɛ e ki Israɛl be ewura nseŋ kpal mbe basa Israɛlebi so a nɛfa mbe kuwurji.

Nshɛ 106:3

Kagbenefuli la bekama nɛ baa ji asheŋ nɛ amo be ekpa so nsaa wora asheŋ niŋiso jemanɛ kikɛ na peya nna.

Nshɛ 111:10

Men baa bunyaŋ Enyɛnpe Ebɔrɛ na, ŋkpal manɛ so, ekpa nɛ esa beeŋ bɔla so n nya kanyiasheŋ nna na. Bekama nɛ baa bɛ mbe mbraana so na e naa pin asheŋ to nɛnɛ. Kapandi e baa la mo peya mbaanaayɔ.

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 119:6

M maaŋ ji anishinyɔr jemanɛ nɛ meeŋ baa bɛ fo mbraana so na.

Nshɛ 148:14

Mo e shin nɛ mbe efuli nya eleŋ, saŋɛ na so, mbe basa, Israɛlebi kikɛ, nɛ bumo be asheŋ wɔ mbe kagbene to na, beeŋ baa kpaŋ mo. Men baa kpaŋ Enyɛnpe Ebɔrɛ na!

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Ɛksodɔs 23:22

Ama nɛ men baŋ wora mo kasonu kashenteŋto nseŋ wora kusɔ kama nɛ ŋ kaŋɛ menyi na, kumo ere, men doŋana beeŋ ki ma doŋana nɛ n kɔ bekama nɛ baa kɔ menyi.

Ɛksodɔs 23:25

Nɛ men baa shuŋ ma, Enyɛnpe Ebɔrɛ, men be Ebɔrɛ na, ma alɛ beeŋ nɛfa men be ajibi nɛ men be nchu nseŋ lara alɔana kikɛ ashi menyi to.

Aizaaya 1:19

Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Jɛremaya 12:16

Jemanɛ ko b daŋ ŋini ma basa kananɛ baa shuŋ kegbir nɛ baa tre Baal na nna. Ama nɛ b shuli so fanɛ ma e la kashenteŋ be Ebɔrɛ na nseŋ shin nɛ ma basa ŋini bumo kananɛ baaŋ baa shuŋ ma bre, meeŋ shin nɛ efuli pɔtɛana ere be basa gba e ki ma basa.

Jɛremaya 17:24

To, kaŋɛ basa na fanɛ a daga fanɛ b baa wora ma mmalga naseso kikɛ kasonu. A maŋ daga b baa sulɔ esulɔ kikɛ a bɔla mbunagboŋ na to a luri kadegboŋ na to kewushiachɛ kikɛ. A daga fanɛ b baa ta kewushiachɛ na fanɛ kachɛ cheembi nsaa maa shuŋ kushuŋ kikɛ kuraa.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Luuk 11:28

Nɛ Yesu kaŋɛ: “Ayai, bumo nɛ baaŋ nu ebel e la bumo nɛ baa nu abɔrɛsheŋ na nsaa wora amo.”

Luuk 9:48

“Esa kama nɛ e sɔ le be kebia ere ŋkpal ma so, sɔ ma nna na, ekama malɛ nɛ e sɔ ma, sɔ emo nɛ e shuŋi ma na gba nna na. Amoso, ekama nɛ e la men kikɛ to be emantopo e la esa nɛ e chɔ ekama.”

Baru lela nɛ Jɔn kute na 15:14

Nɛ men baa wora asɔ nɛ mee kaŋɛ menyi, kumo ere n teriana e la menyi.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Ditɛronɔmi 11:13

Amoso men baa wora mbraana nɛ n ta a sa menyi kabre ere kasonu. Men baa sha Enyɛnpe menyi be Ebɔrɛ na nsaa ta menyi be ŋgbene kikɛ a shuŋ mo.

Ditɛronɔmi 11:27

Nɛ fanɛ menyee wora Enyɛnpe menyi be Ebɔrɛ na be mbraana kasonu, menyeeŋ nya nɛfa kabre,

Ditɛronɔmi 15:5

Nɛ menyeeŋ wora mo kasonu nsaa bɛ kusɔ kama nɛ mee kaŋɛ menyi kabre ere so nɛnɛ bre, menyi to be ekoŋwule gba maa ba nɛ e shu ketir.

Ditɛronɔmi 26:18

Ŋkpal loŋ so, Enyɛnpe Ebɔrɛ na gba sɔ menyi fanɛ mo gbagba be basa nɛ e bee sha ga kabre, fanɛ kananɛ e nase kɔnɔ na. Mo alɛ bee kaŋɛ menyi nna fanɛ men baa wora mbe mbraana kikɛ kasonu.

Ditɛronɔmi 26:19

Enyɛnpe Ebɔrɛ na e to efuliana na kikɛ, ama e beeŋ shin nɛ men nya ketre, nɛ b kpaŋ nseŋ maŋkura menyi a chɔ amo kikɛ. Menyi alɛ beeŋ baa la Enyɛnpe menyi be Ebɔrɛ na be basa gbagba nna, fanɛ kananɛ e nase kɔnɔ na.”

Ditɛronɔmi 28:13

Nɛ menyeeŋ baa wora Enyɛnpe menyi be Ebɔrɛ na kasonu nsaa bɛ mbe mbraana nɛ n ta a sa menyi kabre ere kikɛ so kashenteŋto, e beeŋ shin nɛ men ki bejuŋkparpo durnya be efuliana kikɛ to.