Ditɛronɔmi 27:26 - EBƆRƐ BE KAWƆL

²⁶ Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e maaŋ wora Ebɔrɛ be mbraana kikɛ kasonu na so.” Nɛ basa nɛ b yil Ebal be kebee so na e kaŋɛ: ‘Amɛn!’

Ditɛronɔmi 27:26 ပူးပေါင်းရင်းမြစ်များ

2 Bewura 22:13

“Enyɛnpe Ebɔrɛ na be agbo beeŋ baa wɔ ma nɛ ma basa kama nɛ b kraa wɔ Juda be efuli ere so so ga ŋkpal an nananyɛnana ka maŋ nu n sa mo nseŋ kini kewora kusɔ nɛ kawɔl ere bee ŋini fanɛ b wora na so. Amoso men ya bishi n fin kusɔ nɛ Enyɛnpe Ebɔrɛ na bee sha fanɛ an wora.”

Ɛzra 7:26

Esa kama nɛ e kini kewora m bɛ fo Ebɔrɛ na be mbra so ŋko ewura be mbra so daga luwu ŋko keju n lar efuli na so ŋko kesuge mbe kapetɛ kikɛ ŋko n ti amodoŋwura ebu be kasogberge nna.”

Nshɛ 119:21

Fo e naa gberge kamoowuwuraana nɛ b maŋ la shɛŋ nseŋ kini kewora fo mbraana kasonu na kusoe.

Ezikɛl 18:24

Ama nɛ fanɛ basa lela yige alela be kewora nseŋ fara a wora ekishisheŋ nɛ basa lubi bee wora na, a daga fanɛ b ji efute n chɛr a? Ayai! B maaŋ nyiŋi bumo alelasheŋ dra na. Baaŋ wu ŋkpal bumo be asheŋ lubi na so.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Romebi 10:5

Le malɛ be asheŋ nɛ anebi Mosis daŋ kaŋɛ saŋɛ nɛ e daŋ malga kebaabɛ mbra na so a sha keki elelapo Ebɔrɛ be anishito na be asheŋ na fanɛ: “Ekama nɛ e bee wora kusɔ nɛ mbra na bee ŋini malɛ gba beeŋ baa wɔ mbra na be kebaawɔtɔ to nna na.”

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

2 Kɔrintebi 3:9

Nɛ fanɛ kushuŋ nɛ k bee ji a bri basa baa kɔ kemaŋkura kumo to, kumo ere, kushuŋ nɛ k bee ji a mɔlga basa na beeŋ baa kɔ kemaŋkura a chɔ loŋ.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Ditɛronɔmi 27:15

Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’