Ditɛronɔmi 27:20 - EBƆRƐ BE KAWƆL

²⁰ Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ di mo tuto be beche to be ekama ŋ ŋaba mo na so.” Nɛ basa nɛ b yil Ebal be kebee so na e kaŋɛ: ‘Amɛn!’

Ditɛronɔmi 27:20 ပူးပေါင်းရင်းမြစ်များ

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

Jɛnesis 49:4

Fo daa du fanɛ ketiligboŋ nna, ama fo maaŋ naa la esagboŋ ŋkpal fo ka di ma kowurche keche nɛ kenyɛn n wora ma, fo tuto be edesekpa eyurpi na so so.

2 Samuɛl 16:22

Nɛ b yuu wajɛbu ewurkpa be kuchoŋi na be esoso nɛ basa nɛ b wɔ ndoŋ na wu Absalɔm ka luri kumo to nɛ e ya di mo tuto mo jipoana basa na kikɛ be anishito.

1 Kronikɛls 5:1

Ruben nɛ e la Jeekɔb pibinyɛn nimuso na daŋ paŋ mbe kuwurkoŋ be eyilikpa nna nɛ b ta kumo n sa Josɛf ŋkpal mo nɛ mo tuto be eche ko ka daŋ di keche nɛ kenyɛnso. Amoso bumo be kakurge to, b maa karga mo fanɛ wurkoŋ.

Ezikɛl 22:10

Basa na be beko wɔtɔ nna a di bumo tutoana be beche nɛ beko malɛ bee tintiŋ a di beche nɛ baa lar ntamaŋ.

Levitikɔs 18:7

Sa maŋ kaŋ tu fo nio n di keche nɛ kenyɛn ŋ ŋaba fo tuto. Fo nio kurgeso nna, a maŋ daga fo ŋaba mo.

Levitikɔs 18:8

A maŋ daga fo tu fo tuto be eche kama n di keche nɛ kenyɛn m bar ŋaba mo so.

Levitikɔs 20:11

Nɛ enyɛn di mo tuto be eche, e ŋaba mo tuto nna na nɛ a daga fanɛ b mɔ mo nɛ eche na kikɛ. Bumo alɛ be luwu be turju beeŋ baa bɛ bumo.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

Ditɛronɔmi 22:30

Enyɛn kikɛ e sa maŋ kaŋ di mo tuto be beche to be ekama ŋko n ta eche kama nɛ mo tuto kil ŋ ku so kikɛ. Kumo loŋ la ŋaba nna n sa mo tuto na.

Ditɛronɔmi 23:1

Enyɛn kama nɛ b fɛl mo ŋko ŋ ku mbe kenyɛnsɔ so maŋ naŋ ti Enyɛnpe Ebɔrɛ na be basa so.