Ditɛronɔmi 27:15 - EBƆRƐ BE KAWƆL

¹⁵ Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’

Ditɛronɔmi 27:15 ပူးပေါင်းရင်းမြစ်များ

Jɛnesis 31:19

Pɔɛŋ nɛ b lar na Leeban ka yɔ nɛ e ya kuya mbe mbolpɔ be afuibi nɛ Reechel ya yuri mo tuto Leeban be laŋ to be agbir.

Jɛnesis 31:34

Reechel malɛ daŋ ta mo tuto be agbir na nna n wɔtɔ mbe nyɔma be gaare be kaseto n chena so. Ndoŋ nna nɛ Leeban keni wajɛbu na to be asɔ kikɛ to nyam e maŋ wu shɛŋ.

Jɛnesis 9:25

“Kɔnɔsho e baa wɔ Keenan so. E beeŋ baa la mo daana be kenya.”

2 Bewura 17:19

Judaebi na gba daa maŋ naa bɛ Enyɛnpe bumo be Ebɔrɛ na be mbra so nɛnɛ. Kusɔ nɛ Israɛlebi na daŋ wora na gbagba nɛ bumo alɛ gba daa wora.

2 Bewura 23:13

Ewura Josaya daŋ bɔla daŋkare be ekpa so nna n jija ebɔrɛsure nɛ ewura Sɔlɔmɔn daŋ pɔr Jerusalɛm be epeŋilarkpa be kaba so nɛ kebee nɛ baa tre Ɔlifs na be kelargato be kaseto be kaba so nɛ baa shuŋ kegbirche Ashira nɛ k wɔ Sidɔn be kade to na nɛ kegbir nɛ baa tre Chemɔsh nɛ k wɔ Mowab na nɛ kegbir nɛ baa tre Mɔlɛk nɛ k wɔ Ammɔn nɛ a la asɔ fuloŋ na.

1 Kronikɛls 16:36

Men di Enyɛnpe Israɛl be Ebɔrɛ na epaŋ! Men di mo epaŋ naniere hale mbaanaayɔ! Ndoŋ nna nɛ basa na kikɛ shuli so ŋ kaŋɛ le: “Amɛn” Nseŋ di Enyɛnpe Ebɔrɛ epaŋ.

2 Kronikɛls 33:2

E daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ mbe basa Israɛlebi bee ba kumo so sososo na be asheŋ nɛ Ebɔrɛ kishi ga na so.

Ɛksodɔs 20:23

Men sa maŋ kaŋ ta shuwa ŋko gbiti n lɔŋɛ agbir kikɛ a shuŋ amo n ti ma so.

Ɛksodɔs 20:4

Men sa maŋ kaŋ lɔŋɛ kusɔ kama nɛ k wɔ ebɔrɛso ŋko kasawule so ŋko nchu to ashi kasawule be kaseto be kaduli

Ɛksodɔs 34:17

Men sa maŋ kaŋ ta kebɛlso n lɔŋɛ kegbir a bunyaŋ kumo.

Aizaaya 44:13

Ndibi be eshɛlpo e naaŋ ku kedibi nseŋ chaŋ kusɔ nɛ e bee sha na be kapɔrduli n deŋi kumo so. Kumo be kaman nɛ e shɛl kedibi na nɛ k ki fanɛ dimɛdi be kapɔrduli gbagba n yili mbe laŋ to.

Aizaaya 44:17

Ade be kaman nɛ e ta ndibi nɛ a ka na n lɔŋɛ agbir nseŋ ya gbir m bunyaŋ kumo ŋ kaŋɛ: “Fo e la ma ebɔrɛ, mɔlga ma!”

Aizaaya 44:19

Esa nɛ e bee lɔŋɛ agbir maŋ kɔ mbe kumu so be eleŋ ŋko nfɛra nɛ e tiŋ ŋ kaŋɛ le: “Ndibi na be ako nɛ n ta m puga edɛ n daŋɛ ajibi n ji nseŋ tɔ eblaŋ edɛ koŋwule na to n we na. Ndibi nɛ a ka na nɛ n ta n lɔŋɛ kegbir na. Amoso kedishiŋ fuloŋ nɛ mee gbir a bunyaŋ na!”

Jɛremaya 11:5

Kumo be kaman nɛ n wora m bɔlɔ kɔnɔ nɛ n nase n sa bumo nanaana na fanɛ meeŋ sa bumo kasawule lela nɛ k bee wora adɔjibi nɛnɛ nɛ b kɔ naniere na so.” Kede be kaman nɛ ŋ kaŋɛ le: “Mm, Enyɛnpe Ebɔrɛ, k la kashenteŋ nna.”

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Jɛremaya 28:6

“Enyɛnpe Ebɔrɛ na e shin nɛ kusɔ nɛ fo kaŋɛ ere gbagba e wora m bɔlɔ so loŋ. Mee tama fanɛ e daŋ bɛta asɔ kama nɛ Babilɔnebi na ta ashi bɔrɛlambu ere to nɛ anyi be basa nɛ b daŋ pɛ n yɔ Babilɔn be efuli so na m ba, k beeŋ par ma.

Ezikɛl 14:4

Amoso kaŋɛ bumo kusɔ nɛ ma Enyɛnpetale Ebɔrɛ na kaŋɛ. Kumo e la fanɛ Israɛl be esa kikɛ nɛ e ta mbe kagbene n wɔtɔ kagbirshuŋ to nseŋ shin nɛ k yɛr mo kulubi to, kumo be kaman nɛ e yɔ anebi kutɔ n ya kaa fin e nu ma kɔnɔ to be kamalga, ma Enyɛnpe Ebɔrɛ na beeŋ sa mo kubɔya nɛ k daga mo.

Ezikɛl 7:20

B daa puchi ŋkpal abitasɔ lela nɛ b kɔ so nna nseŋ ta amo ŋ wora agbirana nɛ amo be asheŋ bee nu agbo. Amoso meeŋ shin nɛ abitasɔ na e ki fuloŋ, nsaa maŋ naa kɔ tɔnɔ n sa bumo.

Danɛl 11:31

Benapo na be beko beeŋ shin nɛ bɔrɛlambu na e sa maŋ naa du cheembi nseŋ shin nɛ b yige karechɛ kama be sarga be kebaa lara. Kumo be kaman nɛ b niŋi Edɔsopogboŋ na be kapɔrduli na to n yili n shin nɛ kusɔ kama e jija.

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Levitikɔs 19:4

Men sa maŋ kaŋ kplaŋ ma so n ya shuŋ agbir. Men sa maŋ ta abɛlso ŋko kusɔ kama n wora kapɔrduli be yiri kikɛ ŋ ki agbir a shuŋ kumo. Ma e la Enyɛnpe, men be Ebɔrɛ na.

Levitikɔs 26:1

Ndoŋ nna nɛ Enyɛnpe Ebɔrɛ naŋ kaŋɛ: “Men sa maŋ kaŋ lɔŋɛ agbirana ŋko n wora mpɔrduli nɛ ajembu be eshabɔrɛ n yili, ŋko n shɛl ajembu a shuŋ amo. Ma e la Enyɛnpe menyi be Ebɔrɛ na.

Nɔmbɛs 5:22

Nchu ere e naŋ shin nɛ fo epun e tiŋ nɛ fo ki egbentepo malɛ gba n ti so.” Ndoŋ nna nɛ eche na e shuli so ŋ kaŋɛ le: “Mm, ma alɛ gba shuli loŋ.”

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

1 Kɔrintebi 14:16

Nɛ fee ta fo kiyoyu a chɔrɔ Ebɔrɛ, nuso nɛ esa pɔtɛ mo nɛ e ba asɔri na to ŋkaa maa nu ŋgbar na bee wora a shuli ‘Amɛn’ a wɔtɔ fo kechɔrɔ na to? Ŋkpal manɛ so, e maŋ nyi kusɔ nɛ fee kaŋɛ.

Ditɛronɔmi 27:14

Kumo be kaman nɛ Livai be yiri to be basa na e baa ponte awɔrso a kaŋɛ eshoduu na kukoko to le:

Ditɛronɔmi 29:17

Men daŋ wu bumo be agbirana nɛ b ta ndibi ŋko ajembu ŋko shuwa ŋko gbiti n lɔŋɛ. An ka daŋ wu amo kenishiso na gba k daa la ekishi nna n sa anyi.

Ditɛronɔmi 4:25

Nɛ men ka ya chena kasawule na so n chɛr nseŋ kurge mbia nɛ benanabi gba, men sa maŋ kaŋ lɔŋɛ kegbir be yiri kikɛ m bɔla kumo so n wora kulubi. K la kulubi nɛ Enyɛnpe Ebɔrɛ na kishi nna nɛ kumo alɛ bee wɔtɔ mo agbo to.

Ditɛronɔmi 5:8

Men sa maŋ lɔŋɛ kusɔ kikɛ nɛ k wɔ ebɔrɛso ŋko kasawule so ŋko nchu to ŋko kasawule be kaseto be kapɔrduli n sa menyi be amu.

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Demujipoana 17:3

Maika ka bɛta gbiti be ndarbi na n sa mo nio nɛ mo nio kaŋɛ: “Mee ta gbiti ere nna a sa Enyɛnpe Ebɔrɛ na, saŋɛ na so m pibinyɛn beeŋ bɛl kegbir nseŋ ŋalga amo ŋ gbiti kumo nɛ k ki fanɛ gbiti be kegbir. Amoso mee bɛta amo nna a sa fo.”

Demujipoana 17:4

Ndoŋ nna nɛ Maika bɛta gbiti be ndarbi na n sa mo nio nɛ mo nio lara amo to be alfa anyɔ n sa gbiti be bɔyɛpo. Nɛ bɔyɛpo na malɛ ta amo n lɔŋɛ kegbir n sa Maika nɛ e ta n yɔ epe.

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.