Ditɛronɔmi 27:14 - EBƆRƐ BE KAWƆL

¹⁴ Kumo be kaman nɛ Livai be yiri to be basa na e baa ponte awɔrso a kaŋɛ eshoduu na kukoko to le:

Ditɛronɔmi 27:14 ပူးပေါင်းရင်းမြစ်များ

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Ditɛronɔmi 27:13

nɛ Ruben nɛ Gad nɛ Ashɛr nɛ Zebulun nɛ Dan nɛ Naftali be eyiri to be basa malɛ e yili kebee nɛ baa tre Ebal na so ŋ kaŋɛ bumo eshoduu nɛ a wɔtɔ be asheŋ.

Ditɛronɔmi 27:15

Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’

Joshuwa 8:33

Israɛlebi na kikɛ nɛ bumo be bejuŋkparpo nɛ benimuana nɛ demujipoana nɛ befɔ nɛ bumo nɛ bumo wɔtɔ na barga to nna n yili Enyɛnpe Ebɔrɛ be ŋkre be deka na be mba anyɔ so ashi bɔrɛmatapoana nɛ baa sulɔ kumo na be anishito. Basa na be bargato daŋ pal kaman nna n sa kebeegboŋ nɛ baa tre Gɛrizim na nɛ bargato malɛ pal kaman n sa kebeegboŋ nɛ baa tre Ebal na. Enyɛnpe Ebɔrɛ be kayɛrbi Mosis e daŋ kaŋɛ bumo fanɛ b baa wora loŋ saŋkama nɛ b ba nɛ b ba sɔ nɛfa.

Joshuwa 8:34

Ndoŋ nna nɛ Joshuwa kraŋ mbra na kikɛ awɔrso. E daŋ kraŋ kumo be enɛfa nɛ kɔnɔsho kikɛ be asheŋ fanɛ kananɛ b sibɛ n nase mbra be kawɔl na to na gbagba chap nna ŋ ŋini bumo.