Ditɛronɔmi 26:8 - EBƆRƐ BE KAWƆL

⁸ nseŋ bɔla mbe yuku nɛ mbe eleŋgboŋ na so ŋ kɔ n suge anyi ashi Ijiptebi be enɔ to. Emamachisheŋ nɛ alemaŋkarsheŋ nɛ asheŋ nɛ a bee keta kufu nɛ e daŋ wora nseŋ bɔla amo so m mɔlga anyi.

Ditɛronɔmi 26:8 ပူးပေါင်းရင်းမြစ်များ

Ɛksodɔs 12:37

Israɛlebi na daŋ ta ayaso nna n yili Rameses n ya fo Sukɔf. B daa sa fanɛ benyɛn ŋgboŋ alfa ashe nna. B daa maŋ karga beche nɛ mbia bre n ti so.

Ɛksodɔs 12:41

Nfɛ alfa ana nɛ adesa na be kachɛ lalalogesopo gbagba nɛ Enyɛnpe Ebɔrɛ be basa kikɛ lar Ijipt be kasawule so.

Ɛksodɔs 12:51

Kumo be kamɔnchɛ malɛ kikɛ nɛ Enyɛnpe Ebɔrɛ lara Israɛl be basa kanaŋ kanaŋ so nɛ mbuna mbuna so ashi Ijipt to.

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Jɛremaya 32:21

Emamachisheŋ nɛ asheŋ tumase nɛ fo wora na ta kufugboŋ nna n lɛ an doŋana so.

Ditɛronɔmi 34:11

Anebi kikɛ maŋ naŋ tiŋ n wora emamachisheŋ nɛ asheŋ nɛ a bee mɔ kɔnɔ n fo amo nɛ Enyɛnpe Ebɔrɛ na shuŋi Mosis nɛ e ya wora ashi Ijipt be ewura nɛ mbe benimuana nɛ efuli na kikɛ be basa be anishito so.

Ditɛronɔmi 34:12

Anebi kikɛ malɛ maŋ naŋ wora asheŋgboŋ nɛ a bee keta kufu n fo amo nɛ Mosis wora ashi Israɛlebi na be anishito so.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 5:15

Men baa nyiŋi fanɛ men daa la anya nna ashi Ijipt be efuli so nɛ ma, Enyɛnpe menyi be Ebɔrɛ na bɔla ma yukugboŋ nɛ eleŋ so ŋ kɔ n suge menyi. Amoso nɛ mee yili kumo a sa menyi fanɛ men baa sa ma kewushiachɛ na bunyaŋ nsaa ta kumo kachɛ cheembi na.