Ditɛronɔmi 26:3 - EBƆRƐ BE KAWƆL

³ Men yɔ bɔrɛmatapo nɛ e wɔ kushuŋ to loŋ be jemanɛ na kutɔ n ya kaŋɛ mo le: “Kusɔ nɛ ŋ kɔ a chɔrɔ Enyɛnpe ma Ebɔrɛ a ŋini fanɛ n nya ekpa n luri kasawule nɛ e nase kumo be kɔnɔ n sa an nananyɛnana na dra dra na kikɛ na nna na.”

Ditɛronɔmi 26:3 ပူးပေါင်းရင်းမြစ်များ

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Ditɛronɔmi 1:8

Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 19:17

menyi benyɔ na kikɛ daga fanɛ men yɔ kakpa nɛ menyee shuŋ Ebɔrɛ na nɛ bɔrɛmatapo na nɛ demujipoana nɛ b wɔ ndoŋ na e ya keni demu na to n ji kumo.

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.

Ditɛronɔmi 26:4

Saŋɛ na so bɔrɛmatapo na beeŋ sɔ kelantaŋɛ na mo kutɔ n ya yili Enyɛnpe menyi be Ebɔrɛ na be bɔrɛsure na ase.

Hibruwebi 10:21

Amoso, kananɛ an kɔ bɔrɛmatapogboŋ nɛ e bee keni Ebɔrɛ be kowu so ere,

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.