Ditɛronɔmi 26:2 - EBƆRƐ BE KAWƆL

² menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.

Ditɛronɔmi 26:2 ပူးပေါင်းရင်းမြစ်များ

2 Bewura 4:42

Kachako malɛ nɛ kanyɛn ko nɛ e shi Baal Shalisha ta ayu peper nɛ b fara n teŋi kafɛ to n wora ebodobodo adunyɔ nɛ aboyu bumbuŋ m bar Elaisha. Ndoŋ nna nɛ Elaisha kaŋɛ mbe kayɛrbi fanɛ e ta amo n ya sa anebiana na nɛ b ji.

2 Kronikɛls 31:5

Israɛlebi na ka baŋ nu loŋ, epul to nɛ b ta ayu nɛ asɔnuuso nɛ ɔlif be ŋku nɛ mushoŋ nɛ sososo be adɔjibiana be ŋkɛana nɛ bumo be kudukudusopo m ba.

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

Nehemaya 12:44

Loŋ be kamɔnchɛ na b daŋ lara basa ko nna fanɛ b baa keni ebuana nɛ baa yili ajibi nɛ asɔ wurbi ashi bɔrɛlambu na to na so nna. Bumo alɛ e naaŋ baa sɔ adɔjibi nɛ b juŋkpar n teŋi na nɛ adɔjibi nɛ asɔbɔya be kudu kudusopo nɛ b lara m ba sa Ebɔrɛ na. Bumo koŋwule na e naaŋ baa sɔ adɔjibi nɛ Mosis be mbra bee ŋini fanɛ b baa bar m ba kaa sa bɔrɛmatapoana nɛ Livaiebi na gba.

Nehemaya 13:31

Ma alɛ daŋ naŋ yili kumo nna fanɛ basa na beeŋ baa bar ndibi puga edɛ bɔrɛsure na ase karechɛ kikɛ nseŋ naa bar bumo be adɔjibi nɛ baaŋ teŋi sososo na bɔrɛlambu na to. Mee kule Ebɔrɛ nna fanɛ e nɛfa ma ŋkpal asɔ lela nɛ mee wora ere so.

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Ɛksodɔs 22:29

Men sa maŋ kaŋ kini kesa ma men be adɔjibi nɛ asɔrso be asɔnuuso. Men ta men be ewurkoŋ nyɛnso

Ɛksodɔs 23:16

Kasɔteŋi be jemanɛ baa fo, men wora Kasɔteŋi be Kejigboŋ. Kafɛ na ya kaa loge be saŋɛ nɛ menyee chala men be adɔjibi abar so na, men wora Kechala Abarso be Kejigboŋ na.

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Ɛksodɔs 34:26

Kafɛ kikɛ men baa ta men be adɔjibi nɛ menyee juŋkpar n teŋi a ba ma, Enyɛnpe men be Ebɔrɛ na be kowu to. Men sa maŋ kaŋ ta kusɔbɔya kikɛ be kenyipochu n daŋɛ kumo pibi.”

Jɛremaya 2:3

Israɛlebi, men la n nawule peya nna. Men daa la ma kapetɛ cheembi nna; nɛ ŋ kpal loŋ so n shin nɛ awurfoŋ nɛ jɛrbi damta ba bekama nɛ b daa mɛaŋ menyi na so.”

Ezikɛl 20:40

Ŋkpal manɛ so, kachɛ na kaŋ fo ekama ashi Israɛl be efuli so beeŋ shuŋ ma ashi kebee cheembi nɛ baa tre Zayɔn ashi Jerusalɛm to na so, nɛ ma alɛ e sɔ bumo esarga nɛ baaŋ lara n sa ma ndoŋ na. Menyi be asheŋ beeŋ baa par ma nɛ ma alɛ e baa keni menyi be esarga lela nɛ ŋkɛ cheembi na akpa.

Ezikɛl 44:30

Adɔjibi kama nɛ b juŋkpar n teŋi nɛ kusɔ kama nɛ b ta n sa ma beeŋ baa la bɔrɛmatapoana na peya nna. Jemanɛ kikɛ nɛ basa na wora ebodobodo, a daga fanɛ b ta bodobodo nɛ b juŋkpar n wora na n sa bɔrɛmatapoana fanɛ kakɛ nɛ k bee yɔ Ebɔrɛ kutɔ, saŋɛ na so ma nɛfa beeŋ baa wɔ bumo be elaŋana so.

Ezikɛl 48:14

Kasawule na be kakpa nɛ k la Enyɛnpe Ebɔrɛ peya na e naŋ baa la kasawule na kikɛ be kakpa lela ga nɛ a maŋ daga fanɛ b ku kumo be kaba kama n fa ŋko n chɛr kusɔ ko ŋko n sa esa kikɛ. Ŋkpal manɛ so, k la kakpa cheembi nna nsaa la Enyɛnpe Ebɔrɛ na peya.

Levitikɔs 2:12

A daga fanɛ men jɔ ayu nɛ menyeeŋ juŋkpar n teŋi kafɛ to n lara sarga n sa Enyɛnpe Ebɔrɛ na, ama men sa maŋ chɔɔ amo bɔrɛsure so.

Levitikɔs 2:14

Kafɛ to be ayu nɛ menyeeŋ juŋkpar n teŋi nseŋ jɔ amo m ba lara sarga n sa Enyɛnpe Ebɔrɛ na daga a baa la ayu nɛ b ke ŋko n yarga nna.

Romebi 11:16

Nɛ esa baŋ ta bodobodo be kaba n lara kanya popɔr be sarga n sa Ebɔrɛ, kumo ere bodobodo na gba kikɛ la Ebɔrɛ peya nna na. Nɛ esa malɛ naŋ kaŋɛ fanɛ Ebɔrɛ e wɔ kedibi be nliŋi, kumo ere mo koŋwule na e kraa wɔ kedibi na kikɛ gba.

Romebi 16:5

Mee chɔrɔ asɔriebi nɛ baa shɛr le be basa koŋwule ere pe na gba. Mee chɔrɔ n teri lela Epainites nɛ e baŋ juŋkpar m ba ta mbe yirda n deŋi Kristo so ashi Eeshia be kasawule so na gba.

Romebi 8:23

Mannɛ asɔtoso na gba nawule, anyi nɛ an nya Kiyoyu nɛ e la Ebɔrɛ be kakɛ juŋkparso na gba bee shu to nna nsaa jo saŋɛ nɛ Ebɔrɛ na beeŋ ta anyi ŋ ki mbe mbia n shin nɛ an nya anyi be amu kikɛ nyam na.

1 Kɔrintebi 15:20

Ama kashenteŋ malɛ nna fanɛ Kristo juŋkpar bumo nɛ b wu na kikɛ n tiŋi luwu to.

1 Kɔrintebi 15:23

Ama ekama nɛ mbe saŋɛ nna, sososo Kristo nɛ e la ejuŋkparso na e tiŋi, mo alɛ kaŋ naŋ ba, bumo nɛ b la mo peya na e naaŋ tiŋi m bɛ so.

1 Kɔrintebi 16:2

Alediachɛ kama, men be ekama e ta amansherbi kanaŋkamaso nɛ e beeŋ tiŋ n nase, saŋɛ na so men maaŋ baa jo nɛ m ba pɔɛŋ nɛ men naa wora toto na.

Ditɛronɔmi 16:10

Kumo be kaman nɛ men ji Kasɔteŋi be kachɛgboŋ na. Menyeeŋ yili kananɛ Enyɛnpe menyi be Ebɔrɛ na nɛfa menyi na so n lara ŋkɛ m ba bunyaŋ mo.

Ditɛronɔmi 18:4

Kede be kaman, menyeeŋ baa sa bumo ayu nɛ menyeeŋ juŋkpar n teŋi, nɛ yabra belbelso nɛ ɔlif be ŋku nɛ menyeeŋ juŋkpar n wora, nɛ mbolpɔ be afuibi nɛ menyeeŋ juŋkpar n she na kikɛ.

Ditɛronɔmi 26:1

Nɛ men kaŋ ya kɔ n sɔ kasawule nɛ Enyɛnpe menyi be Ebɔrɛ na ta a sa menyi na n chena so n loge,

Ditɛronɔmi 26:3

Men yɔ bɔrɛmatapo nɛ e wɔ kushuŋ to loŋ be jemanɛ na kutɔ n ya kaŋɛ mo le: “Kusɔ nɛ ŋ kɔ a chɔrɔ Enyɛnpe ma Ebɔrɛ a ŋini fanɛ n nya ekpa n luri kasawule nɛ e nase kumo be kɔnɔ n sa an nananyɛnana na dra dra na kikɛ na nna na.”

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.