Ditɛronɔmi 26:13 - EBƆRƐ BE KAWƆL

¹³ men kaŋɛ Enyɛnpe Ebɔrɛ na le: “An Nyɛnpe nɛ anyi be Ebɔrɛ, fo e kaŋɛ fanɛ anyi be adɔjibi be kudu kudusopo kikɛ la asɔ cheembi nna. N wora fo mbra kasonu nseŋ ta amo n sa Livai be yiri to ebi nɛ befɔ nɛ amunibi nɛ bekulpoche fanɛ kananɛ fo kaŋɛ na.

Ditɛronɔmi 26:13 ပူးပေါင်းရင်းမြစ်များ

Nshɛ 119:139

Jemanɛ kikɛ nɛ bedoŋ baŋ kplaŋ fo mbraana so, k bee chɔɔ ma to nna fanɛ edɛ.

Nshɛ 119:141

Ekama maa ta ma a tre shɛŋ, ama ma alɛ maa teŋ fo mbraana so.

Nshɛ 119:153

Keni awurfoŋ nɛ mee ji so nseŋ mɔlga ma, ŋkpal manɛ so, m maŋ teŋ fo mbraana so.

Nshɛ 119:176

N la fo kayɛrbi nna nseŋ foe n luri to fanɛ kubolpɔ. Amoso jande fin ma, ŋkpal manɛ so, m maaŋ teŋ fo mbraana so kikɛ.

Nshɛ 119:93

M maaŋ teŋ fo keŋini so kikɛ; ŋkpal manɛ so, amo nɛ fo bɔla so n sa ma ŋkpa nɛ n wɔtɔ.

Nshɛ 26:6

Enyɛnpe Ebɔrɛ, n fɔr ma enɔ n lar, nsaa kulti fo bɔrɛsure a bunyaŋ fo,

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 11:31

Enyɛnpe Yesu na be Ebɔrɛ nɛ mo Tuto nɛ e daga epaŋ be kedi saŋkikɛ na nyi fanɛ m maa fule nna.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 26:12

Nfɛ nsa kikɛ be lalaloge, menyeeŋ ta menyi be adɔjibi be kudu kudusopo n sa Livai be yiri to ebi nɛ befɔ nɛ amunibi nɛ bekulpoche, saŋɛ na so, bumo alɛ gba beeŋ nya asɔ nɛ baa sha kikɛ n ji ashi menyi be echenakpaana. Nɛ men wora loŋ n loge nɛ

Ditɛronɔmi 26:14

M maŋ ta amo be kekama n ji jemanɛ nɛ n daa wora keeli, ma alɛ daa maŋ lara amo be kekama kowu jemanɛ nɛ n daa maŋ walɛ so daŋkare be ekpa so gba na. Ade be kaman, m maŋ ta amo be kekama n nyina ebuni kikɛ. Ama kusɔ nɛ fo, Enyɛnpe Ebɔrɛ na kaŋɛ na gbagba nɛ n ta kudu kudusopo na n wora.

1 Tɛsalɔnikaebi 2:10

Menyi nɛ Ebɔrɛ e la an be eshɛdajipoana. An daa maŋ ta da lubi n tu menyi nɛ men yirda na, anyi be da daa du cheembi a kɔ kashenteŋ nna.