Ditɛronɔmi 26:10 - EBƆRƐ BE KAWƆL

¹⁰ Amoso nɛ ŋ kɔ ma sososo be adɔjibi nɛ Enyɛnpe Ebɔrɛ na sa ma na a ba nɛ m ba sa mo.” E kaŋ malga le n loge nɛ e murgi m bunyaŋ Enyɛnpe Ebɔrɛ na ndoŋ.

Ditɛronɔmi 26:10 ပူးပေါင်းရင်းမြစ်များ

1 Kronikɛls 29:14

Ma nɛ ma basa maŋ kɔ ekpa nɛ an ji eyur ŋkpal ŋkɛ nɛ an sa fo ere so, ŋkpal manɛ so asɔ na kikɛ chɛr a la fo peya nna.

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 22:29

Durnya to be amansherbiwuraana nɛ b kɔ asɔ ga beeŋ bunyaŋ mo, nɛ bumo nɛ b gbar nchaŋ be kɔnɔ gba e fur mo.

Nshɛ 86:9

Efuliana nɛ fo to ere be basa beeŋ ba jɔŋɛ fo ase m bunyaŋ fo n shin nɛ fo ketre e nya kemaŋkura.

Nshɛ 95:6

Men ba nɛ an jɔŋɛ m bunyaŋ Enyɛnpe Ebɔrɛ nɛ e to anyi na!

Ɛksodɔs 22:29

Men sa maŋ kaŋ kini kesa ma men be adɔjibi nɛ asɔrso be asɔnuuso. Men ta men be ewurkoŋ nyɛnso

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Aŋasa 3:9

Baa ta fo kanya nɛ fo sososo be adɔjibi a bunyaŋ Enyɛnpe Ebɔrɛ na.

Aizaaya 66:23

Kufɔl popɔr be kejigboŋ kikɛ be jemanɛ nɛ kewushiachɛ kikɛ nɛ men gama a shuŋ ma, efuli pɔtɛana so be basa gba beeŋ ba shuŋ ma ashi Jerusalɛm to.

Romebi 2:1

Amoso, manɛ be ekpa nɛ fo dimɛdi kɔ nsaa tiŋ a wu fo barkasa kulubi? Ŋkpal manɛ so, kanaŋkama nɛ fo du nseŋ wu fo barkasa kulubi, fee ji nna a bri fo gbagba be kumu nna na, ŋkpal manɛ so, asɔ koŋwule na nɛ fee wora.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Ditɛronɔmi 18:4

Kede be kaman, menyeeŋ baa sa bumo ayu nɛ menyeeŋ juŋkpar n teŋi, nɛ yabra belbelso nɛ ɔlif be ŋku nɛ menyeeŋ juŋkpar n wora, nɛ mbolpɔ be afuibi nɛ menyeeŋ juŋkpar n she na kikɛ.

Ditɛronɔmi 26:17

Kabre, men shuli so fanɛ Enyɛnpe na e la menyi be Ebɔrɛ. Menyi alɛ bee nase kɔnɔ nna fanɛ menyeeŋ wora mbe mbraana kikɛ kasonu nseŋ bɛ kusɔ kama nɛ e kaŋɛ menyi so.

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.

Ditɛronɔmi 26:4

Saŋɛ na so bɔrɛmatapo na beeŋ sɔ kelantaŋɛ na mo kutɔ n ya yili Enyɛnpe menyi be Ebɔrɛ na be bɔrɛsure na ase.

Ditɛronɔmi 8:18

Ama men baa nyiŋi fanɛ Enyɛnpe menyi be Ebɔrɛ na e sa menyi eleŋ nɛ men ta n fin kedamaya na. Mo alɛ wora loŋ nna a ŋini fanɛ, e bee ji kashenteŋ a sa mo nɛ men nananyɛnana be kɔnɔkoŋwule be ŋkre na nna hale nɛ mbre.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”