Ditɛronɔmi 25:5 - EBƆRƐ BE KAWƆL

⁵ Nɛ beniopibi wɔtɔ abar so nɛ ekoŋwule wu nsaa maŋ kurge ebi, mbe ekulpoche na maŋ daga fanɛ e ya kil esa nɛ e maŋ shi mo kul na be kanaŋ to. Mo kul nɛ e wu na mo sipo ŋko mo da e daga fanɛ e ta mo a kil.

Ditɛronɔmi 25:5 ပူးပေါင်းရင်းမြစ်များ

Jɛnesis 19:31

Ndoŋ nna nɛ kachako Lɔt pibiche gboŋiso na kaŋɛ mo sipo le: “An tuto bee ki kanyɛnnimubi nna na, benyɛn malɛ maŋ wɔ kaplɛkama nɛ b ta anyi ŋ kil nɛ an kurge mbia.

Matiu 22:24

“Eŋinipo, anebi Mosis kaŋɛ anyi fanɛ nɛ enyɛn ta eche a maŋ nya mbia nseŋ wu ŋ ka mbe eche, enyɛn na mo sipo e ta ekulpoche na ŋ kurge mbia n sa mo da nɛ e wu na.

Maak 12:19

“Eŋinipo, anebi Mosis e sibɛ n sa anyi fanɛ nɛ enyɛn ta eche a maŋ nya mbia nseŋ wu ŋ ka eche na, enyɛn na mo sipo e ta ekulpoche na ŋ kurge mbia n sa mo da nɛ e wu na.

Luuk 20:28

“Eŋinipo, anebi Mosis sibɛ n sa anyi fanɛ nɛ enyɛn ta eche a maŋ nya ebi nseŋ wu ŋ ka eche na, enyɛn na mo sipo e ta ekulpoche na ŋ kurge mbia n sa mo da nɛ e wu na.

Ruf be kawɔl 1:11

Ndoŋ nna nɛ Nawomi leŋ bumo to ŋ kaŋɛ: “Ma mbia, men bɛta a yɔ menyi peana, ŋkpal manɛ so, m maaŋ naŋ nya bibinyɛn nɛ baaŋ ba ki men kulana, nɛ manɛ so nɛ k naŋ daga fanɛ men bɛ ma so n yɔ?

Ruf be kawɔl 3:13

Dese nfe nɛ kare e chɛ nɛ an keni, e beeŋ baa sha kesɔ fo a keni so a? E kaŋ shuli n sɔ fo, kumo ere, k walɛ, ama nɛ e kaŋ kini bre, mee nase kɔnɔ Ebɔrɛ nɛ e wɔ ŋkpa to ere be anishito nna fanɛ ma ere beeŋ sɔ fo a keni so. Amoso, dese nfe nɛ kare e chɛ.”

Ruf be kawɔl 3:2

To, baa nyiŋi fanɛ Bowas nɛ fee tu mbe mbita n ya kaa shishi na la anyi be esa nna. Amoso, nu nfe, kanyɛ ere e beeŋ ba wɔ kakpa nɛ baaŋ bri mbe asɔ nɛ e teŋi na,

Ruf be kawɔl 3:9

Nɛ Bowas bishi mo: “Wanɛ nde?” Nɛ Ruf kaŋɛ: “Ma, fo kenyache Ruf nna. Shin nɛ n luri fo kayul to, ŋkpal manɛ so, fo la ekurgepo mo nɛ e daga kekeni ma so nna.”

Ruf be kawɔl 4:5

Nɛ Bowas kaŋɛ: “To, kachɛ kama nɛ fo baŋ tɔ kasawule na Nawomi kutɔ, kumo be kamɔnchɛ kikɛ ekulpoche Ruf nɛ e shi Mowab be efuli so na gba beeŋ ki fo eche. Saŋɛ na so kasawule na beeŋ shir a wɔ emo nɛ e wu na be kanaŋ to.”