Ditɛronɔmi 25:2 - EBƆRƐ BE KAWƆL

² nɛ emo nɛ e ji n tɔr na be kasogberge la fanɛ b kuya mo so nna, demujipo na beeŋ shin nɛ e dese epun so nɛ b kuya mbe kaman so. Achuchɔ nɛ baaŋ kuya mo so na beeŋ ba shi kulubi nɛ e wora na to nna.

Ditɛronɔmi 25:2 ပူးပေါင်းရင်းမြစ်များ

Nehemaya 13:25

Amoso n daŋ shoduu loŋ be benyɛn agbo so nna nseŋ naŋ shin nɛ b bri beko nseŋ gberge bumo be emin gba n tia. Kumo be kaman nɛ n shin nɛ b nase kɔnɔ ŋ kaŋɛ: ‘An bɔ ntaŋ a nase kɔnɔ Ebɔrɛ be ketre to fanɛ anyi maaŋ shin nɛ anyi be mbinyɛnso ŋko mbicheso e ta ŋko ŋ kil befɔ.’

Aŋasa 19:29

Kasogberge wɔtɔ nna ŋkpal basa kpeŋso so. Ewulpo kikɛ bee nya kebri nna.

Matiu 10:17

Men baa de edimɛdi so, ŋkpal manɛ so, baaŋ pɛ menyi n yɔ demujikpa n ya kuya menyi so ashi bumo be nshɛrbuana to.

Matiu 27:26

Ndoŋ nna nɛ Pailat lara Barabas n sa bumo ŋkeŋ shin nɛ b kuya Yesu so nseŋ ta mo m bɔɔ basa na enɔ fanɛ b ya gbir mo m mata kedibi largato so.

Ashuŋ Shunso 23:3

Nɛ Pɔɔl kaŋɛ mo: “Kebirkɔnshiwura ere! Ebɔrɛ beeŋ ŋmɛa fo kɔnɔ loŋ. Fo yɛ fo chena nfe nna nɛ fo bɔla ekpa nɛ mbra na bee ŋini na so n ji demu, ama ma nɛ fee shin nɛ baa ŋmɛa n naa wora a da mbra na so na.”

Ashuŋ Shunso 5:40

Ndoŋ nna nɛ nshɛrwuraana na nu Gameelial be kamalga na. Nɛ b tre beshuŋipo na m ba shin nɛ b kuya bumo so nseŋ fiɛ bumo so fanɛ b sa maŋ kaŋ naŋ ta Yesu be ketre m malga kikɛ. Kumo be kaman nɛ b sa bumo ekpa nɛ b yɔ.

1 Pita 2:20

Ama nɛ fanɛ b kpal men be alubi so nna m bri menyi nɛ men nyiti loŋ be kebri na, manɛ be mbo e wɔ kumo to? Ama nɛ fanɛ b kpal kelela ko so nna n tɔrɔ menyi nɛ men nyiti loŋ be tɔrɔ na, kumo ere, k kɔ mbo ashi Ebɔrɛ be anishito.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.