Ditɛronɔmi 24:5 - EBƆRƐ BE KAWƆL

⁵ Nɛ enyɛn ta eche nɛ k maŋ naŋ fo kafɛ, kumo ere a maŋ daga enyɛn na ka yɔ kena to ŋko n yɔ kushuŋ nɛ k beeŋ barga mo nɛ mbe eche na to. Menyeeŋ sa enyɛn na kafɛ lelemu be ekpa nɛ e chena epe saŋɛ na so e beeŋ deŋi mbe eche na anishito.

Ditɛronɔmi 24:5 ပူးပေါင်းရင်းမြစ်များ

Jɛnesis 2:24

Amoso nɛ enyɛn baŋ ta eche, a daga fanɛ e yige mo tuto nɛ mo nio nseŋ ya far n chɛ mbe eche nɛ b ki eyur koŋwule.

Aŋasa 5:18

Amoso shin nɛ fo kagbene e baa fuli fo kebiato be eche so. Shin nɛ mbe asheŋ e baa par fo.

Kaŋinichiŋgeliŋ 9:9

Durnya to be kebaawɔtɔ maŋ kɔ tɔnɔ, amoso jemanɛ nɛ men wɔ ŋkpa nɛ Ebɔrɛ sa menyi to ere, fo nɛ fo eche nɛ fee sha na e baa ji menyi be amu nɛnɛ. Ŋkpal manɛ so, kusɔ nɛ k wɔtɔ n sa menyi ashi menyi be kegben kikɛ to nna na.

Luuk 14:20

Nɛ eko malɛ kaŋɛ: ‘N ta eche popɔr nna. Amoso, m maaŋ tiŋ n yɔ.’

1 Kɔrintebi 7:29

Ŋ kurgepoana, kusɔ nɛ n de e la fanɛ, saŋɛ maŋ naa shi. Amoso, bekama nɛ b kɔ beche e baa wɔtɔ fanɛ bumo nɛ b maŋ kɔ beche.

Ditɛronɔmi 20:7

Ŋko esa ko wɔ nfe nɛ e tiŋ n ji eche be kesha nsaa sha keta eche na a? Kumo ere e bɛta a yɔ epe. Nɛ mannɛ aloŋ e kaŋ ya wu kena to, esa pɔtɛ e naaŋ ta eche nɛ e kre keta na.”

Ditɛronɔmi 24:6

Nɛ menyi be ekama bee paŋ mo barkasa amansherbi e beeŋ tiŋ n sɔ kusɔ ko n yili tarma, ama e sa maŋ kaŋ sɔ amodoŋwura be kuboo kɔr nyifu ŋko kumo be ebi. K beeŋ shin nɛ akoŋ e mɔ esa na nɛ mbe kanaŋ, ŋkpal manɛ so kumo nɛ baa ta a kɔr ayu a wora ajibi a ji.