Ditɛronɔmi 24:19 - EBƆRƐ BE KAWƆL

¹⁹ Nɛ men teŋi menyi be adɔjibi n sulɔ amo m ba epe nseŋ teŋ ako so ashi ndɔ na to, men sa maŋ naŋ bɛta n ya ta amo. Men yige amo n sa befɔ nɛ amunibi nɛ bekulpoche, saŋɛ na so Enyɛnpe menyi be Ebɔrɛ na beeŋ nɛfa kusɔ kama nɛ menyee wora.

Ditɛronɔmi 24:19 ပူးပေါင်းရင်းမြစ်များ

Job be kawɔl 42:12

Ade kikɛ be kaman, nɛ Enyɛnpe Ebɔrɛ na naŋ nɛfa Job a chɔ kananɛ e daŋ nɛfa mo dra na. E daŋ naŋ sa mo mbolpɔ ŋgboŋ kuduana nɛ enyɔma ŋgboŋ ashe nɛ egbolu dɔso be benyɔ nyɔ be ntuŋ kagboŋ nɛ ekurma kagboŋ nna.

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Aŋasa 14:21

Kekishi fo kurgepo la kulubi nna, ama Ebɔrɛ beeŋ nɛfa bekama nɛ baa chɛ betirpo to.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

Levitikɔs 23:22

Men baŋ teŋi men be adɔjibi, men sa maŋ kaŋ teŋi amo nɛ a yil dɔkar na. Menyi alɛ e sa maŋ naŋ bɛta n ya buri ŋko n teŋi amo; men yige amo n sa betirpo nɛ befɔ. Ma e la Enyɛnpe Ebɔrɛ men be Ebɔrɛ na.”

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.

Luuk 6:38

Men baa sa basa asɔ nɛ Ebɔrɛ malɛ e sa menyi. Loŋ na Ebɔrɛ beeŋ kɛ menyi asɔ m bɔlɔ men be enɔana a wurge fanɛ kananɛ ayufapoana bee karga ayu a bɔlɔ egarwa a wurge a fa na. Kanaŋkamaso nɛ menyee ber asɔ a sa men braana na gbagba chap nɛ Ebɔrɛ beeŋ ber amo n sa menyi alɛ gba.”

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 15:10

Amoso men baa wora betirpo be asheŋ tirso yɛlyɛla so a sa bumo, mannɛ kejimuni so. Saŋɛ na so nɛ Enyɛnpe Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 24:18

Men baa nyiŋi fanɛ men daa la anya ashi Ijipt be efuli so nna nɛ Enyɛnpe menyi be Ebɔrɛ na sɔ menyi n yige. Amoso nɛ mee sa menyi mbra ere na.

Ditɛronɔmi 26:13

men kaŋɛ Enyɛnpe Ebɔrɛ na le: “An Nyɛnpe nɛ anyi be Ebɔrɛ, fo e kaŋɛ fanɛ anyi be adɔjibi be kudu kudusopo kikɛ la asɔ cheembi nna. N wora fo mbra kasonu nseŋ ta amo n sa Livai be yiri to ebi nɛ befɔ nɛ amunibi nɛ bekulpoche fanɛ kananɛ fo kaŋɛ na.

Ruf be kawɔl 2:16

Men ba muu nsaa yige amo nɛ men teŋi ŋ kre ŋ kre n nase na to be ako gba a nase mo nɛ e ba kaa shishi. Men sa maŋ kaa ŋmenyaŋ mo.”

Ruf be kawɔl 2:2

Kachako nɛ Ruf nɛ e shi Mowab na kaŋɛ Nawomi le: “Shin nɛ n yɔ basa be ndɔana to n ya keni, esa ko beeŋ wu ma kuwɔr n shin nɛ m bɛ mo so n shishi n shishi ajibi m ba a!” Nɛ Nawomi shuli so ŋ kaŋɛ mo: “To, m pibi, baa yɔ.”