Ditɛronɔmi 24:16 - EBƆRƐ BE KAWƆL

¹⁶ A maŋ daga fanɛ b mɔ betuto nɛ benio ŋkpal alubi nɛ bumo be mbia wora so. Kumo alɛ maŋ daga fanɛ b mɔ mbia ŋkpal alubi nɛ bumo tutoana nɛ bumo nioana wora so. Ekama daga fanɛ e wu nna ŋkpal mo gbagba be alubi nɛ e wora so.

Ditɛronɔmi 24:16 ပူးပေါင်းရင်းမြစ်များ

2 Kronikɛls 25:4

E daa maŋ mɔ bumo be mbia bre, ŋkpal manɛ so e daŋ bɛ kusɔ nɛ Enyɛnpe Ebɔrɛ kaŋɛ ashi Mosis be mbra to na so nna. E yɛ: “B sa maŋ kaŋ mɔ ekurgepo ŋkpal kulubi nɛ bumo be mbia wora so. Loŋ koŋwule nɛ a maŋ daga b ka mɔ mbia ŋkpal kulubi nɛ bumo kurgepoana wora so. Ekama nɛ e wora kulubi, mo e daga kumo be kasogberge.”

Ezikɛl 18:20

Basa nɛ b wora alubi e naa wu alubi be luwu. Mbia maaŋ ji awurfoŋ ŋkpal bumo tutoana be alubi so nɛ bekurgepo gba maaŋ ji awurfoŋ ŋkpal bumo be mbia be alubi so. Basa lela beeŋ nya bumo be alelasheŋ be kakɔka nɛ basa lubi malɛ e nya kasogberge ŋkpal bumo be alubi so.

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Danɛl 6:24

Kumo be kaman nɛ ewura na ponte ŋ kaŋɛ fanɛ b ya pɛ basa nɛ b debɔr Danɛl na kikɛ, nseŋ ta bumo nɛ bumo b beche nɛ mbia kikɛ n lɛ ebuluŋ be kemaŋ na to. Ama pɔɛŋ nɛ b fo kemaŋ na be kaseto na, nɛ ebuluŋ na tiŋ ŋ kpɛa bumo kikɛ to n we.

Nɔmbɛs 26:11

Ama Koora be kabuna bre daa maŋ mur.

1 Samuɛl 22:16

Nɛ Sɔɔl kaŋɛ le: “Ahimɛlɛk, fo nɛ fo kanaŋ kikɛ daga luwu.”