Ditɛronɔmi 24:14 - EBƆRƐ BE KAWƆL

¹⁴ Men sa maa puni betirpo nɛ menyeeŋ ber paa. B la Israɛl be basa ŋko befɔ nɛ menyi nɛ bumo chena abar so menyi be ndeana to gba, a daga fanɛ men baa ka bumo kukɔ nɛ k daga bumo nna.

Ditɛronɔmi 24:14 ပူးပေါင်းရင်းမြစ်များ

Aŋasa 14:31

Esa nɛ e bee mɛaŋ betirpo maa sa Ebɔrɛ nɛ e to bumo na bunyaŋ nna na, ama esa nɛ e bee wu betirpo kuwɔr bre bee bunyaŋ Ebɔrɛ nna.

Aŋasa 22:16

Basa nɛ baa puni betirpo a dii dama na, nɛ bumo nɛ baa kɛ damawuraana asɔ na, beeŋ ki betirpo.

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Levitikɔs 19:13

Sa maŋ kaŋ ji fo barkasa durmu ŋko n suge mo. Sa maŋ kaŋ mɔn esa nɛ fo ber paa mbe kakɔka, sa maŋ shin nɛ kare a chɛ kumo so gba.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Eemɔs 8:4

Menyi nɛ menyee ŋin betentaŋasepo nɛ efuli ere so be betirpo a lɛ a chichi so na e nu nfe.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Luuk 10:7

Men baa wɔ laŋ na to a ji a nuu kusɔ kama nɛ b sa menyi, ŋkpal manɛ so, a daga eshumpo ka nya mbe kakɔka. Men sa maŋ ya kaa chɛrga elaŋ.

Ditɛronɔmi 15:7

Kede be kaman nɛ asheŋ tir Israɛl be basa ko nɛ b wɔtɔ menyi be ndeana to ashi kasawule nɛ Enyɛnpe menyi be Ebɔrɛ na bee sa menyi ere so, kumo ere men sa maŋ kaa wora kejimuni nseŋ kini kechɛ bumo to.

1 Timoti 5:18

Ŋkpal manɛ so, abɔrɛsibɛ na bee kaŋɛ: “A maŋ daga esa ka kre kena nɛ e bee shuŋ ajibi akpa be kɔnɔ,” nɛ “A daga eshumpo ka nya mbe kakɔka.”