Ditɛronɔmi 24:13 - EBƆRƐ BE KAWƆL

¹³ A daga fanɛ fo bɛta kumo n ya sa kumowura kaaseso, saŋɛ na so e beeŋ nya kumo m buu n dese nseŋ kule Enyɛnpe Ebɔrɛ na nɛ e nɛfa fo. Aloŋ nɛ Enyɛnpe menyi be Ebɔrɛ na be kagbene beeŋ fuli fo so.

Ditɛronɔmi 24:13 ပူးပေါင်းရင်းမြစ်များ

Jɛnesis 15:6

Nɛ Eebram yirda Enyɛnpe be kamalga na. Nɛ Enyɛnpe na malɛ kpal loŋ so n nase kumo fanɛ e la esa nɛ e niŋi nna ashi mbe anishi to.

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Ɛksodɔs 22:25

Ma basa to be etirpo baŋ paŋ ekama amansherbi, e sa maŋ wɔtɔ mo nchu.

Aizaaya 58:8

Aloŋ nɛ ma kuwɔrwu beeŋ nyaŋɛ n yuu menyi so fanɛ kachipurso be epeŋi, nɛ menyi alɛ e naaŋ nya menyi be alɔ be kechɛ manaŋ manaŋ. Ma nɛ menyi beeŋ baa wɔtɔ nɛ m baa mɔlga menyi nsaa kuŋ menyi ekpa kama so.

Ezikɛl 18:12

E bee puni betirpo nsaa suge basa. Nɛ esa ta kusɔ ko m ba yili tarma gba e maaŋ naŋ laŋɛ kumo n sa kumo wura. Mo alɛ bee shuŋ agbirana nsaa wora ekishisheŋ.

Ezikɛl 18:16

E maaŋ suge ŋko m puni esa kikɛ, mo alɛ maaŋ sɔ tarma pɔɛŋ nseŋ sa esa mpaŋ. Mo alɛ bee sa betirpo ajibi nɛ asɔbuuso nna

Ezikɛl 18:7

Amodoŋwura malɛ maa puni ŋko a suge esa, mo alɛ maa sɔ tarma pɔɛŋ nseŋ sa esa mpaŋ. Ade be kaman mo alɛ naa chɛ betirpo to a sa bumo ajibi nɛ asɔbuuso.

Ezikɛl 33:15

fanɛ, e ka bɛta kusɔ nɛ e daŋ sɔ n yili tarma pɔɛŋ nseŋ sa esa ko mpaŋ na ŋko m bɛta kusɔ nɛ e yuri n ya sa kusɔwura na, kumo ere e maaŋ wu ama e beeŋ ji efute.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Eemɔs 2:8

Epiŋi nɛ b ta n nase tarma n sa bumo na nɛ baa ta a nase bumo be agbir be mboŋ a dese so. Bumo be agbirlambu to nɛ baa chena a nuu nsa nɛ b sɔ ashi basa nɛ b ji bumo be akɔ na kutɔ.

Ɛfesesebi 4:26

Fo kama nɛ agbo pɛ fo, fo sa maŋ shin nɛ agbo na e shin nɛ fo luri alubi to, fo alɛ e sa maŋ naŋ keta agbo na n tɔr epeŋi.

Ditɛronɔmi 24:12

Nɛ esa nɛ e bee paŋ na la etirpo nna, kumo ere fo nɛ e bee paŋ fo na e sa maŋ shin nɛ wajɛ buuso na e di fo kutɔ ŋ klade.

Ditɛronɔmi 24:15

Ŋkpal b ka la betirpo n daga fanɛ b nya amansherbi pɔɛŋ nseŋ tiŋ n nya bumo be kusɔ jisoso, a daga fanɛ men ka bumo karechɛ kama be kushuŋ be kukɔ pɔɛŋ nɛ epeŋi e tɔr. Nɛ menyi maŋ ka bumo, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.

Ditɛronɔmi 6:25

Nɛ fanɛ anyee wora kusɔ kama nɛ Enyɛnpe anyi be Ebɔrɛ na kaŋɛ kasonu kashenteŋto bre, mbe kagbene beeŋ baa fuli anyi so.”

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.