Ditɛronɔmi 23:7 - EBƆRƐ BE KAWƆL

⁷ Ama Edɔmebi bre la men kurgepoana nna nɛ menyi alɛ daa la befɔ Ijipt be efuli so. Amoso men sa maa keni Edɔmebi nɛ Ijiptebi na jiga.

Ditɛronɔmi 23:7 ပူးပေါင်းရင်းမြစ်များ

Jɛnesis 25:30

Ndoŋ nna nɛ Isɔɔ kaŋɛ Jeekɔb le: “Jande sa ma fo epo peper ere be ako, nɛ mannɛ aloŋ, akoŋ beeŋ mɔ ma.” Amoso nɛ b daa tre mo Edɔm na.

Jɛnesis 46:7

bumo e la fanɛ mbe bibinyɛn nɛ mo nanabi nyɛnsoana nɛ mbe bibiche nɛ mo nanabi chesoana nɛ bekama nɛ b lar mo to kikɛ nyam.

Jɛnesis 47:12

Kumo be kaman nɛ Josɛf sa mo tuto nɛ mo daana na nɛ mo tuto be kowu to ebi kikɛ nyam ajibi nɛ a beeŋ fo ekama nɛ mbe mbia kanaŋkamaso.

Jɛnesis 47:27

Israɛlebi na daŋ chena Ijipt be kakpa nɛ baa tre Goshen na nna n dii dama nseŋ nya mbia damta n ti so.

Jɛnesis 47:6

Ijipt malɛ be kasawule kikɛ e dese fo na, shin nɛ fo tuto nɛ fo daana na e ya chena kaplɛkama nɛ k walɛ. Shin nɛ b ya kaa wɔ Goshen be kaba so. Bumo to be ekama malɛ nɛ e nyi asɔbɔya to nɛnɛ, fo ta ma asɔbɔya m bɔɔ mo enɔ.”

1 Bewura 11:25

Ewura Sɔlɔmɔn be kuwurji be jemanɛ so kikɛ, nɛ Rezɔn nɛ Hadad la Israɛl be efuli so ebi bumo doŋ nna.

Ɛzra 9:12

Anebiana na daŋ kaŋɛ anyi fanɛ nɛ anyee sha kenu kasawule na be ebel nseŋ ji kumo ŋ ka n yili anyi be kaman to ebi bre, an sa maŋ ta bumo be beche, ŋko ŋ kil bumo be benyɛn. B yɛ anyi alɛ e sa maŋ kaŋ ji bumo keteri, ŋko n shin nɛ b ji eleŋ anyi so.

Nshɛ 105:23

Kumo be kaman nɛ Jeekɔb nɛ mbe kanaŋ ya ki befɔ n chena Ijipt be efuli so.

Ɛksodɔs 22:21

Ade kikɛ be kaman, k maŋ daga fanɛ men be ekama e wora efɔ kulubi ŋko m mɛaŋ mo, ŋkpal manɛ so, menyi alɛ gba daa la befɔ nna ashi Ijipt be kasawule so.

Ɛksodɔs 23:9

Men sa maa mɛaŋ befɔ, ŋkpal manɛ so men nyi kananɛ kebaala efɔ du. Menyi alɛ gba daa la befɔ nna ashi Ijipt be kasawule so.

Levitikɔs 19:34

Men baa keta bumo fanɛ men braana Israɛl be basa nsaa sha bumo fanɛ men gbagba be amu. Men baa nyiŋi fanɛ menyi alɛ gba daa la befɔ nna ashi Ijipt be efuli so. Ma e la Enyɛnpe, men be Ebɔrɛ na.

Malakai 1:2

E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Nɔmbɛs 20:14

Nɛ Mosis yili Kadɛsh n shuŋi mbɔ fanɛ b ya kaŋɛ Edɔm be ewura le: “Fo kurgepoana Israɛlebi e la anyi. Fo gbagba nyi awurfoŋ nɛ anyee ji

Ditɛronɔmi 10:19

Amoso men baa keni befɔ nɛ b tu menyi n chena na so, ŋkpal manɛ so, menyi alɛ gba daa la befɔ nna ashi Ijipt be efuli so.

Ditɛronɔmi 23:8

Yili bumo be kenanafofo mbaanaayɔ, bumo be kaman to ebi ti Enyɛnpe Ebɔrɛ na be basa, Israɛlebi so.