Ditɛronɔmi 23:5 - EBƆRƐ BE KAWƆL

⁵ Ama Enyɛnpe menyi be Ebɔrɛ na daŋ maŋ nu n sa Balaam. Kusɔ nɛ e daŋ wora e la fanɛ e kilgi shoduu na nna ŋ ki nɛfa ŋkpal e ka bee sha menyi so.

Ditɛronɔmi 23:5 ပူးပေါင်းရင်းမြစ်များ

2 Samuɛl 16:12

Ashere Enyɛnpe Ebɔrɛ beeŋ wu kagbenejija nɛ k tɔr ma so ere nseŋ shin nɛ kɔnɔsho ere e ki nɛfa n sa ma.”

Nehemaya 13:2

Ŋkpal manɛ so b daŋ kini kesa Israɛl be basa ajibi nɛ nchu nna nseŋ naŋ ber Balaam paa fanɛ e shoduu bumo jemanɛ nɛ Ebɔrɛ daŋ lara bumo n shi Ijipt be efuli so a yɔ Keenan be kasawule so nɛ b ya kɔ n sɔ kasawule na. Ama anyi be Ebɔrɛ na daŋ kilgi Balaam be shoduu na nna ŋ ki nɛfa n sa anyi.

Nshɛ 73:1

Kashenteŋto, Ebɔrɛ walɛ n sa Israɛl nɛ bekama nɛ baa bunyaŋ mo nɛ ŋgbene fuful na.

Aŋasa 26:2

Kɔnɔsho nɛ k maŋ bɛ ekpa so maaŋ tiŋ m pɛ esa. K du nna fanɛ mbuibi ka firgi a choŋ na.

Jɛremaya 31:3

n daa wɔ kufɔ nna nseŋ lara ma kumu ŋ ŋini menyi. Ŋ ka bee sha menyi saŋɛ kama na so, nɛ mee ŋini menyi ma kasha nɛ k wɔtɔ mbaanaayɔ na.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Malakai 1:2

E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Nɔmbɛs 22:35

Nɛ malaika na kaŋɛ: “Fo nɛ Ewura Balak be benimuana ere e baa yɔ, ama ya malga kusɔ nɛ meeŋ kaŋɛ fo na nawule.” Ndoŋ nna nɛ Balaam tu bumo n yɔ.

Nɔmbɛs 22:5

daŋ kpal loŋ so nna, n shuŋi mbɔ fanɛ b ta le be kubɔya n ya sa Biyɔɔ pibinyɛn Balaam nɛ e wɔ Pɛɛtɔ nɛ k mata lɔrgboŋ nɛ baa tre Yufreetes nɛ k wɔ Amawu be kasawule so na. “Mee sha nɛ fo pin fanɛ efuli lelemu be basa shi Ijipt be efuli so m ba. Bumo alɛ bee salga to nna a sɔ kaplɛkama nsaa sha kesɔ anyi be kasawule kikɛ.

Nɔmbɛs 24:9

Bumo be efuli du nna fanɛ buluŋ lempo na. K baa di, wanɛ e naaŋ tiŋ n ya tiŋi kumo. Esa kama nɛ e nɛfa Israɛl, gba bee nya nɛfa nna; Esa kama malɛ nɛ e sho Israɛl kɔnɔ, bee nya kɔnɔsho nna.”

Romebi 11:28

Baru lela na be kaplɛa so, bumo nɛ Ebɔrɛ ki bedoŋ nna ŋkpal menyi nnyamase so, ama Ebɔrɛ be kelara bumo so na be kaplɛa so, b la mo teriana nna ŋkpal benananyɛngboŋana na so.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Romebi 9:13

Loŋ malɛ nɛ abɔrɛsibɛ na bee kaŋɛ na fanɛ Ebɔrɛ yɛ: “N lara Jeekɔb nna nseŋ kini Isɔɔ.”

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

Ditɛronɔmi 2:29

hale nɛ an ya dii lɔr nɛ baa tre Jɔɔdan na n yɔ kasawule nɛ Enyɛnpe anyi be Ebɔrɛ na ta a sa anyi na so. Edɔmebi nɛ Mowabebi bre tiŋ n shin nɛ an bɔla bumo be nsawule so n choŋ.”

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.

Ditɛronɔmi 4:37

Kasha nɛ Enyɛnpe Ebɔrɛ na kɔ n sa men nananyɛnana na so nɛ e lara menyi nɛ men baa la mo gbagba be basa nseŋ bɔla mbe yukugboŋ so n lara menyi ashi Ijipt be efuli so m ba.

Joshuwa 24:10

Ama ma alɛ maŋ nu n sa Balaam nseŋ shin nɛ e kilgi n nɛfa menyi nɛ m mɔlga menyi ashi Balak be enɔ to.