Ditɛronɔmi 23:3 - EBƆRƐ BE KAWƆL

³ Ammɔn ŋko Mowab be basa ŋko bumo be kamanebi n ya fo bumo be kenana kudusopo kikɛ maŋ ti Enyɛnpe Ebɔrɛ na be basa so.

Ditɛronɔmi 23:3 ပူးပေါင်းရင်းမြစ်များ

Nehemaya 13:23

Ma alɛ daŋ naŋ wu fanɛ Juwebi na be benyɛn ko daŋ ta beche ashi Ashdɔd be kadegboŋ to nɛ Ammɔn nɛ Mowab be efuliana so nna.

Nehemaya 4:3

Jemanɛ na so nɛ Tobaya nɛ e shi Ammɔn be efuli so na yil mo kutɔ, nseŋ kaŋɛ le: “Nuso bre be egbal nɛ baa sha kepɔr ere? Jiŋkaamu gba beeŋ tiŋ ŋ ŋin kumo n lɛ!”

Nehemaya 4:7

Sanballat nɛ Tobaya nɛ Nlɔrbu na nɛ Ammɔnebi na nɛ basa nɛ b shi kadegboŋ nɛ baa tre Ashdɔd na daŋ wu fanɛ egbal na daa dii nna a shin nɛ k shɛrto. Amoso b daŋ nya agbo nna,

Aizaaya 56:3

Efɔ kama nɛ e ba tu Enyɛnpe Ebɔrɛ na be basa a wɔtɔ e sa maŋ kaŋ kaŋɛ fanɛ: “Enyɛnpe Ebɔrɛ na maaŋ shuli nɛ n tu mbe basa a shuŋ mo.” Enyɛn kama nɛ b lara mbe awulbi be bibi e sa maŋ kaa fɛ fanɛ e ka maaŋ tiŋ ŋ kurge bibi so, mo ere maaŋ tiŋ n ti Ebɔrɛ be basa so.

Jɛremaya 49:1

Kusɔ nɛ Enyɛnpe Ebɔrɛ na kaŋɛ a laŋɛ Ammɔn be efuli so be kaplɛa so nde: “Israɛl be basa kɔ mbi damta nɛ baaŋ ji kasawule na be kapetɛ. Nɛ manɛ nna nɛ b shin nɛ basa nɛ baa shuŋ kegbir nɛ baa tre Mɔlɛk na sɔ Gad be yiri to ebi be kebonfu be nsawule so n chena so?

Nfabel 1:10

Bedoŋ na daŋ suge bumo be yawu kpakpaso be asɔ kikɛ nna. Jerusalɛm be basa na daŋ wu befɔ na ka luri bumo be bɔrɛlambu nɛ Enyɛnpe Ebɔrɛ daa maŋ sa nnyamase ekpa fanɛ b luri kumo to na nna.

Matiu 5:43

Menyee kaa nu fanɛ dra na le nɛ b daa kaŋɛ: ‘Baa sha fo teri nsaa kishi fo doŋ.’

Ditɛronɔmi 23:2

Esa kama nɛ mo tuto nɛ mo nio maŋ kil pɔɛŋ nseŋ kurge mo nɛ mbe kaman to ebi n ya fo mbe kenana kudusopo kikɛ, maŋ naŋ ti Enyɛnpe Ebɔrɛ na be basa so.

Ruf be kawɔl 4:6

Ekurgepo na ka nu loŋ na nɛ e kaŋɛ: “Kumo ere m maaŋ baa sha ketɔ kumo, ŋkpal manɛ so, nɛ n wora loŋ, ŋ gbagba be kapetɛ be asheŋ beeŋ ba ki kpakpa. Amoso feeŋ tiŋ n tɔ kumo, ŋkpal manɛ so, ma ere maaŋ tiŋ n tɔ kumo.”