Ditɛronɔmi 23:21 - EBƆRƐ BE KAWƆL

²¹ Nɛ men baŋ nase Enyɛnpe menyi be Ebɔrɛ na kɔnɔ, a daga fanɛ men wora kumo m bɔlɔ so manaŋ. Nɛ mannɛ aloŋ Enyɛnpe menyi be Ebɔrɛ na beeŋ bishi menyi kumo nɛ k ki kulubi n sa menyi.

Ditɛronɔmi 23:21 ပူးပေါင်းရင်းမြစ်များ

Nshɛ 116:18

Jemanɛ nɛ fo basa beeŋ shɛr abar so fo bɔrɛlambu to ashi Jerusalɛm be kadegboŋ to na, nɛ meeŋ tia kɔnɔ nɛ n nase n sa fo na. Men kpaŋ Enyɛnpe Ebɔrɛ na!

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Ditɛronɔmi 23:18

Kumo be kaman, ekama nɛ e wora loŋ n nya amansherbi e sa maŋ ta amo m ba Enyɛnpe Ebɔrɛ na kutɔ nɛ e ba tia kɔnɔ naseso kikɛ. Ŋkpal manɛ so, Enyɛnpe Ebɔrɛ na kishi agbirlambu to be esakale ga.

Matiu 5:33

Menyi alɛ kraŋ naa nu fanɛ dra na le nɛ b daa kaŋɛ nnɔ naseso be asheŋ: “Men sa maa sa Enyɛnpe nnɔ jiga nsaa maa bɛ nnɔ na so. Fo kama nɛ fo nase kɔnɔ n sa Enyɛnpe, fo bɛ kumo so.”

Jona 1:16

Le be kesheŋ ere daŋ shin nɛ befarpo na ŋana Enyɛnpe Ebɔrɛ na alegaiso nna. Kumo be kaman nɛ b lara sarga nseŋ nase nnɔ n sa Enyɛnpe Ebɔrɛ na.

Nshɛ 56:12

Enyɛnpe ma Ebɔrɛ, meeŋ bɛ kɔnɔ nɛ n nase n sa fo na so. Meeŋ ta ma kechɔrɔ be kakɛ m bar fo.

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Jona 2:9

Ama ma ere beeŋ boŋ nshɛ n di fo, Enyɛnpe Ebɔrɛ na, epaŋ nseŋ lara sarga n sa fo. Meeŋ wora m bɔlɔ ma kɔnɔ naseso so, ŋkpal manɛ so, fo e kɔ eleŋ a tiŋ a mɔlga.”

Ditɛronɔmi 23:22

Nɛ esa maŋ nase Enyɛnpe Ebɔrɛ na kɔnɔ k maŋ la kulubi n sa mo.

1 Samuɛl 20:16

Anyi be kɔnɔ nɛ an nase n sa abar na maaŋ jija kikɛ. Nɛ k baŋ jija malɛ, Enyɛnpe Ebɔrɛ e gberge fo kusoe.”

Job be kawɔl 22:27

Ebɔrɛ beeŋ nu fo kabɔrɛkule, nɛ fo alɛ e wora m bɔlɔ nnɔ naseso nɛ fo nase n sa mo na so.

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 61:8

Saŋɛ na so meeŋ baa di fo ketre epaŋ saŋkama nsaa wora a bɔlɔ ma kɔnɔ naseso so saŋkama.

Ɛksodɔs 22:24

nɛ ma agbo e koso nɛ n shin nɛ b ta tokobi m mɔ menyi nɛ menyi alɛ gba be beche e ki bekulpoche nɛ men be mbia e ki amunibi.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 15:3

Menyeeŋ tiŋ n shin nɛ efɔ bre e ka kukɔ nɛ e ji menyi, ama a maŋ daga fanɛ men shin nɛ menyi gbagba to bre be esa e ka kukɔ nɛ e ji menyi na.

Nshɛ 15:5

Bumo nɛ baa ta bumo be amansherbi a paŋ basa nsaa maa wɔtɔ nchu na; ŋko a sɔ brɔbu nsaa ji a chɛ alubiworapoana to na. Loŋ be basa bre maaŋ ji anishinyɔr kikɛ.

Ezikɛl 18:8

Loŋ be esa na maa wɔtɔ amansherbi nɛ e ta m paŋ esa nchu, mo alɛ maa wora kulubi nseŋ naa ji asheŋ nɛ amo be ekpa so a sa ekama.