Ditɛronɔmi 22:9 - EBƆRƐ BE KAWƆL

⁹ Nɛ fo baŋ dɔ asɔrso nɛ baa tre greep na be ndibi be kudɔ, sa maŋ naŋ duu shɛŋ n wea amo to. Nɛ fo wora loŋ, fo maŋ naa kɔ ekpa nɛ fo ji kudɔ na to be kusɔ kikɛ. A daga fanɛ fo bar adɔjibi na kikɛ kakpa nɛ menyeeŋ baa shuŋ Ebɔrɛ na.

Ditɛronɔmi 22:9 ပူးပေါင်းရင်းမြစ်များ

Levitikɔs 19:19

Men baa wora ma mbraana kasonu. Men sa maŋ shin nɛ asɔbɔya pɔtɛ a baa dii asɔbɔya pɔtɛ a kurge. Men sa maa duu asɔduuso pɔtɛ a wea abar to kasawule koŋwule so. Men sa maa buu asɔbuuso nɛ b ta achɛbi pɔtɛana n wea abar to m ba.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Matiu 9:16

Nɛ e naŋ kaŋɛ bumo le: “Basa maa kaa ku kechɛbi popɔr a tɛ kusɔbuuso dra. Nɛ b wora loŋ, kakpa nɛ b tɛ na beeŋ kpɛa to n lar kusɔbuuso na to n shin nɛ kemaŋ na e naaŋ kpalga to n ti so.

Romebi 11:6

K ka baa la kuwɔr be kakɛ be asheŋ ere bre, k maŋ naa la ashuŋ shunso be asheŋ, nɛ k daa la ashuŋ shunso be asheŋ nna, kumo ere Ebɔrɛ be kuwɔr be kakɛ na daa maaŋ naa la kuwɔr be kakɛ.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

Ditɛronɔmi 22:8

Nɛ fanɛ fo pɔr kowu popɔr, a daga fanɛ fo pɔr egbalshin kumo be kuchoŋi na so ŋ kulti, saŋɛ na so esa maaŋ shi kumo so n tɔr to n wu nɛ kumo be kulubi e bɛ fo.

Jeems 3:10

Kɔnɔ koŋwule na to nɛ epaŋ be kedi be mmalga nɛ katege be mmalga kikɛ bee shi. Ŋ kurgepoana, loŋ maŋ daga kikɛ.