Ditɛronɔmi 22:24 - EBƆRƐ BE KAWƆL

²⁴ menyeeŋ keta bumo benyɔ na kikɛ n lar kade na to n ya kpa bumo ajembu m mɔ. Eche na daga luwu ŋkpal e ka maŋ boŋ to n tre basa nɛ b ba chɛ mo to jemanɛ nɛ e wɔ kade to nɛ ekama daŋ beeŋ tiŋ n nu e ka bee boŋ to so. Enyɛn na malɛ daga luwu nna ŋkpal e ka di eche nɛ esa ko bee ji mbe kesha so. Kananɛ menyeeŋ wora n lara le be kulubi ere ashi menyi to nna na.

Ditɛronɔmi 22:24 ပူးပေါင်းရင်းမြစ်များ

Jɛnesis 29:21

Nfɛnshunu na be kaman nɛ Jeekɔb kaŋɛ Leeban: “To, naniere saŋɛ fo nɛ n ta ma eche, amoso ta fo kebia na n sa ma nɛ e ki ma eche.”

Job be kawɔl 31:11

Nɛ n daŋ ta esa ko be eche nna, k daa beeŋ baa la mbushu lubi lubi,

Ezikɛl 16:38

Kejimbri be kasogberge beeŋ ba fo so ŋkpal kubojuaji nɛ basa be kemɔ so. Meeŋ nya agbo ga nseŋ ta luwu ŋ gberge fo kusoe.

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Matiu 1:20

E daa wɔ le be nfɛra ere to nna nɛ Enyɛnpe be malaika lar mo so edare to ŋ kaŋɛ mo le: “Josɛf, Deevid be kanaŋ to be esa, sa maa ŋana keta Mɛɛri nɛ e ki fo eche, ŋkpal manɛ so, Kiyoyu Cheeŋ na so nɛ e bɔla n di kedampo na.

Matiu 1:24

Josɛf ka tiŋi mbe edi na to nɛ e nu Enyɛnpe be malaika be kɔnɔ na nseŋ ta Mɛɛri,

1 Kɔrintebi 5:13

Ebɔrɛ e naaŋ ji basa nɛ b maŋ wɔ asɔri na to demu. Kusɔ nɛ abɔrɛsibɛ na bee kaŋɛ e la fanɛ: “Men ju alubiworapo kama ashi menyi to.”

1 Kɔrintebi 5:2

Le be asheŋ ere e baa wora menyi to nɛ menyee wu menyi be amu ere a? Cha, a daŋ daga fanɛ men be ŋgbene ka jija menyi ga nna nɛ men daŋ lara esa nɛ e bee wora loŋ na menyi to.

Ditɛronɔmi 13:5

Kumo be kaman nɛ men mɔ basa nɛ baa kute edare be afito ŋko anebiana nɛ baŋ kaŋɛ menyi fanɛ men lar Enyɛnpe Ebɔrɛ nɛ e lara menyi kenyaya to ashi Ijipt be efuli so kaman na. Le be basa ere la basa lubi nna nsaa wora ania nɛ b lara menyi kebaawɔtɔ nɛ Enyɛnpe Ebɔrɛ na kaŋɛ fanɛ men baa kɔ na to. A daga fanɛ men mɔ bumo, saŋɛ na so menyeeŋ lara kulubi ere ashi menyi to.

Ditɛronɔmi 17:7

Eshɛdajipoana na e naaŋ juŋkpar ŋ kpa bumo ajembu nɛ basa nɛ b ka na malɛ e chɛ to ŋ kpa bumo ajembu m mɔ. Kananɛ menyeeŋ wora n lara kulubi na ashi menyi to nna na.

Ditɛronɔmi 21:14

Nɛ jemanɛ ko ba fo nɛ Israɛl be enyɛn na maŋ naa sha kenyache na, e beeŋ tiŋ n yige mo nɛ e baa yɔ. Ŋkpal enyɛn na ka teŋ di eche na so, e maaŋ naŋ tiŋ n fa mo fanɛ mbe kenya.

Ditɛronɔmi 22:23

Nɛ fanɛ b pɛ enyɛn kade to nɛ e bee di eche nɛ esa ko bee ji mbe kesha nɛ e ta mo,

Ditɛronɔmi 22:25

Ama nɛ fanɛ enyɛn ya pur eche nɛ esa ko bee ji mbe kesha kupuŋ to, kumo ere enyɛn na nawule e daga luwu.