Ditɛronɔmi 21:9 - EBƆRƐ BE KAWƆL

⁹ Nɛ men wora Enyɛnpe Ebɔrɛ na kasonu nseŋ wora kusɔ nɛ e kaŋɛ ere, e beeŋ ta esa nɛ b mɔ na be kulubi na m paŋ Israɛl be basa.

Ditɛronɔmi 21:9 ပူးပေါင်းရင်းမြစ်များ

1 Bewura 2:31

Nɛ ewura na kaŋɛ Bɛnaya le: “Wora kusɔ nɛ Jɔab kaŋɛ na. Mɔ mo wajɛbu cheembi na to m puli, saŋɛ na so esa kama maaŋ wu ma ŋko ewura Deevid be kaman to ebi be ekama kulubi ŋkpal Jɔab ka mɔ basa nɛ b maŋ wora shɛŋ na so.

Ditɛronɔmi 12:25

Nɛ menyee wora mbra ere kasonu, Enyɛnpe Ebɔrɛ na be kagbene beeŋ baa fuli menyi so nɛ asheŋ a nyalɛ n sa menyi nɛ menyi be kaman to ebi.

Ditɛronɔmi 13:18

Amoso nɛ a daga fanɛ men baa wora kusɔ nɛ Enyɛnpe menyi be Ebɔrɛ na kaŋɛ fanɛ k walɛ na. Mee ta mbraana ere nna a sa menyi kabre nɛ men baa wora amo kasonu.”