Ditɛronɔmi 21:6 - EBƆRƐ BE KAWƆL

⁶ Kumo be kaman nɛ kade nɛ k mata kakpa nɛ b wu ebuni na be benimuana na e fɔr bumo be enɔana n wurge kena nɛ b bu kumo be kubɔ na so

Ditɛronɔmi 21:6 ပူးပေါင်းရင်းမြစ်များ

2 Samuɛl 3:29

Ama kumo be kasogberge beeŋ ba Jɔab nɛ mbe kanaŋ kikɛ so! Kumo e la fanɛ echefoso, bumo be kanaŋ mo nɛ k beeŋ koso be enyɛn ko beeŋ lɔ babaso be kulɔ ŋko keboti, ŋko e beeŋ baa la esa nɛ e maaŋ tiŋ n shuŋ benyɛn be kushuŋ ama beche peya ŋko e beeŋ baa la esa nɛ e beeŋ wu kena to, ŋko esa nɛ e maaŋ ji m moɛ kikɛ!”

Job be kawɔl 9:30

Kɔya be yiri kikɛ maŋ wɔtɔ nɛ n tiŋ n ta n fɔr so n nyalɛ so.

Nshɛ 19:12

Esa kikɛ maaŋ tiŋ m pin alubi nɛ e wora kikɛ. Ta ma alubi nɛ m maŋ kute n wora na m paŋ ma.

Nshɛ 26:6

Enyɛnpe Ebɔrɛ, n fɔr ma enɔ n lar, nsaa kulti fo bɔrɛsure a bunyaŋ fo,

Nshɛ 51:14

Mɔlga ma ashi kamɔ be kulubi to. Ŋkpal manɛ so, fo nawule e naŋ tiŋ m mɔlga ma. Saŋɛ na so meeŋ boŋ kashɛ awɔrso ŋ kaŋɛ fo kumɔlga be eleŋ na be asheŋ.

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Nshɛ 73:13

Manɛ be tɔnɔ nɛ n nya ashi ma kebaakɔ nfɛra lela, nɛ kekini kewora asheŋ lubi to bre?

Jɛremaya 2:22

Nɛ men ta kɔya lela m bɛr ŋ gbiti menyi be eyur so nɛnɛ gba, ŋ kraa beeŋ wu alubi nɛ a shin nɛ men wora n jija ma anishito na ashi menyi so.

Ditɛronɔmi 21:7

nseŋ kaŋɛ le: “Mannɛ anyi e mɔ esa ere, anyi alɛ maŋ nyi esa nɛ e mɔ mo.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.