Ditɛronɔmi 21:22 - EBƆRƐ BE KAWƆL

²² Nɛ fanɛ esa wora kulubi nɛ b kpal loŋ so n chɛ mo n shiga kedibi so m mɔ,

Ditɛronɔmi 21:22 ပူးပေါင်းရင်းမြစ်များ

Jɛnesis 40:19

Ta a ba nchɛ asa to Fɛɛro beeŋ lara fo kabuti ere to n shin nɛ b chɛ fo efɔl n shiga kedibi so m mɔ nɛ mbuibi e ba ji fo kebuni.”

2 Samuɛl 21:10

Ndoŋ nna nɛ Sɔɔl mo jipo Rizpa buu kagbenejijaso be asɔbuuso nseŋ wora kekpata ashi kefalta nɛ bubuni na dese na so n chena ndoŋ saŋɛ nɛ b fara a buri akoŋboyu na n ya fo dɔchubɔrɛ be saŋɛ so. E daa ju mbuibi kapaso nna nsaa ju kupuŋ to be asɔbɔya malɛ kanyɛso ashi bubuni na to.

2 Samuɛl 21:6

Amoso, lara mbe kanaŋ to be benyɛn ashunu n sa anyi nɛ an ya chɛ bumo efɔl n shiga ashi Enyɛnpe Ebɔrɛ be ewura laraso Sɔɔl be kade nɛ baa tre Gibia na be kakpa nɛ baa bunyaŋ Enyɛnpe Ebɔrɛ na.” Nɛ Deevid yɛ: “Meeŋ ta bumo n sa menyi.”

2 Samuɛl 21:9

Bumo nɛ Deevid daŋ ta n sa Gibiɔnebi na nɛ b ya chɛ efɔl ashi kebee so be kakpa nɛ baa bunyaŋ Enyɛnpe Ebɔrɛ na nɛ bumo basa ashunu na kikɛ wu kachɛ koŋwule, saŋɛ so nɛ b baŋ fara a buri akoŋboyu na.

2 Samuɛl 4:12

Ndoŋ nna nɛ Deevid ponte ŋ kaŋɛ mbe benapo na fanɛ b mɔ bumo, nɛ b mɔ Reekab nɛ Baana nseŋ ku bumo be enɔana nɛ bumo be aya nseŋ ya chɛ bumo eyurana efɔl n shiga ndibi so ashi Hibrɔn be kepa ase. Kumo be kaman nɛ b ta Ishboshɛf be kumu na n ya puli Abna be kebeelaŋ be nchaŋ to ashi Hibrɔn.

Nɔmbɛs 25:4

nseŋ kaŋɛ Mosis le: “Keta Israɛl be bejuŋkparpo kama nɛ baa yɔ kegbir na to na m ba mɔ bumo kapiidi ma anishito, saŋɛ na so, ma agbo maaŋ ba Israɛlebi na kikɛ so.”

Matiu 26:66

Manɛ nɛ men wu kumo to?” Nɛ basa na kaŋɛ le: “E daga luwu nna.”

Maak 14:64

“Men nu kananɛ e malga ŋ gbiti Ebɔrɛ nna na. An naa sha eshɛda ko nna n ti so a? Manɛ nɛ men wu kumo to?” Nɛ bumo kikɛ kaŋɛ fanɛ e wora alubi n daga luwu.

Luuk 23:33

B ka ba fo kakpa nɛ baa tre Kumuwibi be Kakpa na nɛ b ta mo nɛ beyu anyɔ na ŋ gbir m mata ndibi largato so. Beyu anyɔ na be ekoŋwule daa wɔ mbe jisoso nna nɛ ekoŋwule malɛ daa wɔ mbe bena so.

Ashuŋ Shunso 23:29

ŋkpal loŋ so ŋ keta mo n yɔ nshɛrwuraana na kutɔ n ya wu fanɛ e maŋ wora kulubi kikɛ nɛ k daga mbe luwu ŋko kabuti. Bumo gbagba be mbraana be emɔrɔsheŋ nɛ b kɔ a wu mo kulubi.

Ashuŋ Shunso 25:11

Nɛ n daŋ wora kusɔ ko nna n da mbra na so nɛ k daga ma luwu, n daa maaŋ gelge kumo be loŋ. Ama nɛ kashenteŋ maŋ wɔ asheŋ nɛ baa kaŋɛ fanɛ n wora ere to, esa kikɛ maaŋ tiŋ n ta ma m bɔɔ bumo enɔ. Romebi be ewurgboŋ na nɛ mee kule fanɛ e keni ma demu na to.”

Ashuŋ Shunso 25:25

Ama ma alɛ maaŋ tiŋ n wu kusɔ nɛ e wora n daga luwu be kasogberge. Mo alɛ naŋ kule fanɛ n shin nɛ Romebi be ewurgboŋ na gbagba e keni mbe demu na to, amoso, meeŋ shin nɛ b yɛr mo ndoŋ.

Ashuŋ Shunso 26:31

“Kanyɛn ere maŋ wora kusɔ kama nɛ k daga mbe luwu ŋko kabuti.”

Ditɛronɔmi 19:6

E maŋ daga luwu, ŋkpal manɛ so e maŋ kre kemɔ mo barkasa na nna. Ama esa nɛ e wu na mo kurgepo beeŋ tiŋ n nya agbo ŋkpal e ka wu so. Bumo alɛ beeŋ tiŋ n lara bumo kanaŋ to be esa ko fanɛ e tɛ emo nɛ e mɔ bumo kurgepo na m mɔ mo. Nɛ fanɛ kade nɛ e beeŋ shile n ya ŋana nseŋ nya mo kumu na wɔ kufɔ nɛ kakpa nɛ e wɔ na, esa nɛ e wu na mo kurgepoana na beeŋ tiŋ n ju mo m pɛ nseŋ mɔ mo.

Ditɛronɔmi 22:26

Men sa maŋ kaŋ wora eche na bre shɛŋ, ŋkpal manɛ so, e maŋ wora kulubi nɛ k daga luwu. Le be demu ere baa du fanɛ esa ka kre n ya mɔ mo barkasa nna.

Joshuwa 10:26

Nɛ Joshuwa mɔ bewura na nseŋ shin nɛ b chɛ bumo kikɛ n shiga ndibi anu so. Ekama nɛ kedibi nɛ b chɛ mo n shiga so, hale n ya fo kaaseso. Ekama nɛ kedibi nɛ b chɛ mo n shiga so.

Joshuwa 10:27

Epeŋi ka bee tɔr nɛ Joshuwa ponte ŋ kaŋɛ fanɛ b shiga bubuni na ndibi na so n ta bumo n ya lɛ kebeelaŋ nɛ b daŋ ŋana to na to, nseŋ gbelti ajembu gboŋgboŋi n ti kumo so. Loŋ be ajembu na kra wɔtɔ hale kabre.

Joshuwa 8:29

E daŋ chɛ Ai be ewura na efɔl nna n shiga kedibi so nseŋ yige mbe kebuni n ya fo kaaseso. Epeŋi ka tɔr nɛ Joshuwa kaŋɛ fanɛ b ya shiga kebuni na kedibi na so n ya lɛ kade na be kabunagboŋ na ase. Kumo be kaman nɛ b bela ajembu gboŋgboŋi damta n deŋi ewura na be kebuni na so. Loŋ be kakpa na kra dese hale kabre.

1 Samuɛl 26:16

Abna! Fo maŋ shuŋ fo kushuŋ nɛnɛ. Ebɔrɛ nɛ e la ma shɛdajipo na be ketre to, menyi kikɛ daga luwu nna ŋkpal men ka maŋ kuŋ men nyɛnpe nɛ Enyɛnpe Ebɔrɛ lara mo n sa menyi fanɛ ewura na so. Men keni, ewura be kekpa nɛ mbe kusɔjɔnchu nɛ a yil mbe kumu ase na kraa wɔtɔ a?”