Ditɛronɔmi 21:18 - EBƆRƐ BE KAWƆL

¹⁸ An ta fanɛ esa ko ka kɔ mo pibinyɛn kpeŋso nɛ e maa nu a sa mo nio nɛ mo tuto nɛ baa gberge mo kusoe nɛ e kraa maa chɛrga.

Ditɛronɔmi 21:18 ပူးပေါင်းရင်းမြစ်များ

2 Samuɛl 7:14

Meeŋ ki mo tuto, nɛ mo alɛ e baa la m pibinyɛn. E baŋ wora n foe, meeŋ niŋi mo fanɛ kananɛ etuto bee niŋi mbe kebia na.

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Ɛksodɔs 21:15

Esa kama malɛ nɛ e ŋmɛa mo tuto ŋko mo nio, k daga fanɛ b mɔ mo.

Ɛksodɔs 21:17

Esa kama malɛ nɛ e sho mo tuto ŋko mo nio kɔnɔ daga luwu.

Aŋasa 1:8

M pibinyɛn, kaŋ kusoe n nu fo tuto be kusɔ nɛ e bee kaŋɛ fo, nsaa maŋ kplaŋ fo nio be ŋini gba so.

Aŋasa 13:24

Esa kama nɛ e maa gberge mbe mbia kusoe a ŋini bumo asheŋ maa sha bumo nna na. Esa kama nɛ e bee sha mbe mbia bee gberge bumo kusoe nna a ŋini bumo asheŋ saŋɛ nɛ k daga.

Aŋasa 15:5

Ewulpo e naa kplaŋ mo tuto nɛ mo nio be keŋini so. Enyiashempo kikɛ bee shin nɛ mo tuto nɛ mo nio bee niŋi mo ekpa nna.

Aŋasa 19:18

Ŋini fo mbia kusɔ nɛ k daga pɔɛŋ nɛ b daŋ; Fo baa maa gberge bumo kusoe a ŋini bumo asheŋ fee mɔ bumo ŋgblaŋto nna na.

Aŋasa 20:20

Esa nɛ e bee sho mo tuto nɛ mo nio kɔnɔ be ŋkpa maa teŋiso, k du nna fanɛ fitila ka duŋ tentembiri to epul to nna.

Aŋasa 22:15

Kasogberge be kuchuchɔ e naa ju kawulisheŋ nɛ k bɔlɔ kebia to.

Aŋasa 28:24

Esa kama nɛ e bee fɛ fanɛ, keyuri mo tuto ŋko mo nio maŋ la kulubi maŋ kɔr eyu pɔtɛ to.

Aŋasa 29:17

Fo baa gberge fo mbia kusoe a ŋini bumo asheŋ baaŋ sa fo kasotowushi nɛ kagbenefuli.

Aŋasa 30:11

Basa ko bee sho bumo tutoana kɔnɔ nna nsaa maa keni bumo nioana a bɔlɔ kenishi.

Aŋasa 30:17

Ejita e naŋ ji bekama nɛ baa fɛl bumo tutoana nsaa keni bumo nioana jiga na be eblaŋ kupuŋ to.

Aizaaya 1:2

Ndoŋ nna nɛ Enyɛnpe Ebɔrɛ naŋ kaŋɛ: “Basa nɛ b wɔ ebɔrɛso nɛ kasawule so kikɛ e kaŋ asoe n nu kusɔ nɛ mee kaŋɛ ere! Mbia nɛ m bela e kilgi a kɔ ma na.

Aizaaya 1:5

Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Jɛremaya 31:18

N nu Israɛl be basa na ka bee shu a kaŋɛ le: ‘An daa du fanɛ asɔbɔya yenso nna, ama fo bela anyi nɛ anyee wora fo kasonu. Naŋ bɛta anyi m ba fo kutɔ, ŋkpal manɛ so, an wora shiriya naniere nɛ an bɛta m ba fo Enyɛnpe anyi be Ebɔrɛ na kutɔ nna.

Jɛremaya 5:23

Ama menyi ŋgbene kpakpasowuraana ere kini ma nseŋ pal kaman n sa ma.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 21:9

Nɛ bɔrɛmatapo pibiche jija mbe kumu ŋkpal e ka ki sakaleche so, e ŋaba mo tuto nna na nɛ a daga fanɛ b chɔɔ mo m mɔ.

Ditɛronɔmi 21:19

Loŋ be kebia mo tuto nɛ mo nio daga fanɛ b yɛr mo kade nɛ b wɔ na be benimuana kutɔ nna nɛ b ya ji kebia na demu.

Ditɛronɔmi 27:16

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ ŋaba mo tuto ŋko mo nio so.” Nɛ basa nɛ b yil Ebal be kebee so na kikɛ shuliso le: ‘Amɛn!’

Ditɛronɔmi 8:5

Menyi alɛ e naa nyiŋi fanɛ Enyɛnpe menyi be Ebɔrɛ na e naa niŋi menyi nseŋ naa gberge menyi kusoe fanɛ kananɛ betuto nɛ benioana bee bela bumo be mbia na.

1 Samuɛl 3:13

N teŋ kaŋɛ mo fanɛ meeŋ gberge mbe laŋ to ebi kusoe mbaanaayɔ ŋkpal mbe mbinyɛnsobi ka maŋ ta bunyaŋ n sa ma nsaa wora alubi a gbiti ma nɛ mo alɛ kini keshin nɛ b yige kebaawora loŋ so.