Ditɛronɔmi 20:6 - EBƆRƐ BE KAWƆL

⁶ Ŋko esa ko wɔ nfe nɛ kraŋ baŋ dɔ ndibi sɔrso be kudɔ, mo alɛ maŋ naŋ chuge amo be asɔrso a? Kumo ere e bɛta a yɔ epe. Nɛ mannɛ aloŋ e kaŋ n ya wu kena to, esa pɔtɛ e naaŋ ji asɔrso na be tɔnɔ.

Ditɛronɔmi 20:6 ပူးပေါင်းရင်းမြစ်များ

Jɛremaya 31:5

Menyi kraa beeŋ nase ndibi sɔrso be adɔ ashi Samɛria be apreŋsawule so, nɛ bumo nɛ b duu ndibi sɔrso na e nya amo be asɔrso n ji.

Zefanaiya 1:13

Basa pɔtɛ beeŋ suge bumo be asɔ lela kikɛ nseŋ bure bumo be nwu. B maaŋ nya n chena nwu nɛ bumo gbagba pɔr to ŋko n nya bumo be ndibisɔrso be asɔrso nɛ baa tre greeps na be nsa n nuu.”

1 Kɔrintebi 9:7

Soja mo gbagba e naa ka mo gbagba be kumu ashi kushuŋ na to? Esa mo e naa duu ndibi sɔrso nɛ a baa wora nɛ e maaŋ ji amo be asɔrso na? Esa mo e naaŋ baa keni ana so ŋkaa maaŋ baa nyaŋ amo kenyipo?

Ditɛronɔmi 20:5

Kumo be kaman nɛ benapo na be bejuŋkparpoana malɛ e malga n sa benapo na ŋ kaŋɛ bumo le: “Esa ko wɔ nfe nɛ e pɔr kowu popɔr, ama mo alɛ maŋ naŋ ta kumo m bɔɔ Ebɔrɛ enɔ nseŋ bela n luri kumo to a? Kumo ere e bɛta a yɔ epe. Nɛ mannɛ aloŋ e kaŋ ya wu kena to, esa pɔtɛ e naaŋ ta mbe kowu na m bɔɔ Ebɔrɛ enɔ nseŋ bela n luri kumo to.

Ditɛronɔmi 20:7

Ŋko esa ko wɔ nfe nɛ e tiŋ n ji eche be kesha nsaa sha keta eche na a? Kumo ere e bɛta a yɔ epe. Nɛ mannɛ aloŋ e kaŋ ya wu kena to, esa pɔtɛ e naaŋ ta eche nɛ e kre keta na.”