Ditɛronɔmi 20:3 - EBƆRƐ BE KAWƆL

³ Israɛl be benapo, men nu nfe! Menyee yɔ kena to kabre nna na, ama men sa maŋ kpal men doŋana so a lɔ kufu ŋko a jija kenyɛn ŋko a chicha.

Ditɛronɔmi 20:3 ပူးပေါင်းရင်းမြစ်များ

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Job be kawɔl 23:16

Ebɔrɛ shin nɛ ma kenyɛn lar ma to, Enyɛnpetale Ebɔrɛ shin nɛ kufugboŋ pɛ ma.

Nshɛ 3:6

Hale bedoŋ kagboŋ kulti ma gba, m maa lɔ kufu.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 7:4

Men kaŋ wu mo nɛ fo kaŋɛ mo fanɛ e shin nɛ mbe kagbene e dese mo. E saa maa ŋana ewura Rezin nɛ ewura Pɛka. B nya agbo ga bre, ama bumo alɛ baa du fanɛ ndibi anyɔ ka kɔ edɛ nsaa dese a duŋ gbrɛgbrɛbi nna.

Nɔmbɛs 14:9

Amoso men sa maŋ shin nɛ an kini kenu n sa Enyɛnpe Ebɔrɛ na. K maŋ daga an ka bee ŋana basa nɛ b wɔ ndoŋ na, ŋkpal manɛ so, Enyɛnpe Ebɔrɛ na wɔ anyi kutɔ, amoso b maaŋ tiŋ ŋ kɔ m pɔɔ anyi so.”

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 10:31

Amoso, men sa maa lɔ kufu, ŋkpal manɛ so, men bɔ etitibi damta!

Matiu 8:26

Nɛ e bishi bumo: “Manɛ nna nɛ kufu pɛ menyi loŋ? Men be yirda du fimbi pasaa!” Kamalga ere be kaman nɛ e koso m ponte afuana na nɛ kepa na so nɛ kakpa kikɛ wora shruum.

Maak 16:18

Baaŋ gbar ŋgbar nɛ b maa nu nɛ b pɛ awɔ ŋko n ji kɔrtɔ, a maaŋ wora bumo shɛŋ. Baaŋ ta bumo be enɔana n deŋi n deŋi belɔpoana so nɛ b nya alenfia.”

Maak 16:6

Nɛ e kaŋɛ bumo: “Men sa maŋ shin nɛ k chinchiŋ menyi. Nazarɛt be Yesu nɛ b daŋ gbir kedibi largato so na nɛ menyee fin, ama e maŋ wɔ nfe, e tiŋi luwu na to. Men keni kakpa nɛ b daŋ nase mo.

Ashuŋ Shunso 27:24

‘Pɔɔl, sa maa lɔ kufu. A daga fanɛ fo ya yili Romebi be ewurgboŋ na be anishito. Ŋkpal Ebɔrɛ malɛ nɛ mbe kelela so, basa nɛ fo nɛ bumo wɔ nchu so be enite ere to ere be ekama maaŋ mur.’

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Ditɛronɔmi 20:2

Pɔɛŋ nɛ men fara kekɔ kena na, a daga fanɛ bɔrɛmatapo e ba yili benapo na be anishito nseŋ kaŋɛ bumo le:

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

1 Timoti 6:12

Pere kenishi a kɔ yirda to be kolu lela na. Baa kɔ ŋkpa nɛ k maŋ kɔ ekar nɛ b tre fo n wɔtɔ kumo to saŋɛ nɛ fo yili basa damta to n ji fo shɛda na to.

Hibruwebi 13:6

Amoso, menyeeŋ tiŋ m puchi ŋ kaŋɛ fanɛ: “Enyɛnpe e la ma echɛtopo, m maaŋ baa lɔ kufu. Manɛ nɛ nyiŋgbasa beeŋ tiŋ n wora ma?”

Joshuwa 23:10

Menyi be ekama beeŋ tiŋ ŋ kɔ basa kagboŋ m pɔɔ bumo so ŋkpal men Nyɛnpe Ebɔrɛ ka bee kɔ a sa menyi fanɛ kananɛ e nase kɔnɔ fanɛ e beeŋ wora na so.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

1 Samuɛl 17:32

Nɛ Deevid kaŋɛ Sɔɔl le: “Yiramu! Men sa maŋ shin nɛ Filisti be kanyɛn na e ta anyi ŋ ki befupo. Ma ere beeŋ ya tu mo ŋ kɔ.”