Ditɛronɔmi 20:16 - EBƆRƐ BE KAWƆL

¹⁶ Ama menyi kaŋ kɔ n sɔ ndegboŋ nɛ a wɔ kasawule nɛ Enyɛnpe menyi be Ebɔrɛ na ta a sa menyi ere so bre, men mɔ basa na nɛ bumo be asɔbɔya kikɛ.

Ditɛronɔmi 20:16 ပူးပေါင်းရင်းမြစ်များ

Nɔmbɛs 21:35

Ndoŋ nna nɛ Israɛlebi na mɔ ewura Ɔg nɛ mbe mbinyɛnsobi nɛ mbe basa kikɛ nseŋ sɔ mbe kasawule na n chena so. Mbe esa kikɛ daa maŋ ji efute.

Nɔmbɛs 31:17

Naniere, men mɔ mbinyɛnsobi nɛ beche kama nɛ b nyi benyɛn na,

Nɔmbɛs 33:52

men ju basa nɛ b wɔ kasawule na so na kikɛ, nseŋ jija bumo be agbir nɛ b ta abɛlso nɛ ajembu n wora na nɛ mboŋ nɛ baa shuŋ amo na kikɛ.

Ditɛronɔmi 20:15

Kananɛ menyeeŋ wora ndegboŋ nɛ a maŋ taga kasawule nɛ menyeeŋ chena so na to nna na.

Ditɛronɔmi 20:17

Ŋkpal manɛ so, Enyɛnpe Ebɔrɛ na teŋ yili kumo fanɛ men mur Hitebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi na kikɛ nna.

Ditɛronɔmi 24:4

eche na maaŋ naŋ tiŋ m bɛta n ya kil mo kul dra na kikɛ, ŋkpal e ka tiŋ n tu enyɛn nyɔsopo na n di so. Bumo be kenaŋ kil abar beeŋ jija kasawule nɛ Enyɛnpe menyi be Ebɔrɛ na ta a sa menyi na. Ŋkpal manɛ so, Enyɛnpe Ebɔrɛ na kishi loŋ nna.

Ditɛronɔmi 31:5

Mo koŋwule na e naaŋ chɛ menyi to nɛ men pɔɔ efuliana na so nseŋ mɔ esa kama nɛ e wɔ ndoŋ.

Ditɛronɔmi 4:21

Ŋkpal menyi so nɛ Enyɛnpe Ebɔrɛ na nya agbo n wɔtɔ ma, nseŋ bɔ ntaŋ fanɛ m maaŋ dii Jɔɔdan be Lɔr na n yɔ kasawule lela nɛ e ta a sa menyi na so.

Ditɛronɔmi 7:16

A daga fanɛ men mur efuli kama nɛ Enyɛnpe Ebɔrɛ na shin nɛ men pɔɔ kumo be basa so na cheche nsaa maŋ wu bumo kuwɔr. Men sa maŋ kaa shuŋ bumo be agbirana, ŋkpal manɛ so, loŋ beeŋ tiŋ m bar menyi luwu.

Joshuwa 10:20

Ndoŋ nna nɛ Joshuwa nɛ Israɛlebi na mɔ basa na ga, ama bumo be beko bre daŋ shile nna n ya luri bumo be kade nɛ b pɔr egbal ŋ kulti na to nɛ b maŋ nya bumo m mɔ.

Joshuwa 10:28

Kumo be kachɛ na nɛ Joshuwa kɔ m pɔɔ Makɛda be kade na nɛ kumo be ewura so. E daŋ mɔ kade na to be basa kikɛ nna. Esa kama daa maŋ ji efute kumo be kachɛ na. Kananɛ e daŋ wora Jɛriko be ewura na, loŋ koŋwule na nɛ e wora Makɛda be ewura na gba.

Joshuwa 10:40

Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 11:14

Israɛlebi na daŋ ta basa na be asɔ lela nɛ bumo be asɔbɔya kikɛ nna. Ama b daŋ mɔ basa kama nɛ b daa wɔ nde na to bre kikɛ. Esa koŋwule gba daa maŋ ji efute.

Joshuwa 6:24

Kumo be kaman nɛ b wɔtɔ kade na nɛ kusɔ kama nɛ k wɔ kumo to kikɛ edɛ nɛ kumo kikɛ chɔɔ m mur. Shuwa nɛ gbiti nɛ kusɔ kama nɛ b ta katishaŋ peper nɛ abɛlso n wora na nawule nɛ b daŋ ta n wɔtɔ Enyɛnpe Ebɔrɛ be kpanjawu to.

Joshuwa 8:25

Joshuwa daŋ maŋ mbe kekpa so nna n shoŋi Ai be kade nsaa maŋ bar kumo kaseto kikɛ hale nɛ b mɔ Ai be basa kikɛ n loge. Ai be benyɛn nɛ beche nɛ b daŋ mɔ kumo be kamɔnchɛ daa wɔ basa ŋgboŋ kuduanyɔ.

Joshuwa 8:8

Men kaŋ pɔɔ kade na so n loge, men wɔtɔ kumo kikɛ edɛ fanɛ kananɛ Enyɛnpe Ebɔrɛ kaŋɛ menyi na gbagba. Ma kubɔya nɛ ŋ kɔ a sa menyi nna na.”

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.

Joshuwa 9:27

Ama e daŋ ta Gibiɔnebi na ŋ ki anya nna nɛ baa kuya ndibi nsaa saŋ nchu a sa Israɛlebi na nɛ Enyɛnpe be bɔrɛsure na ekpa be beshumpo. Loŋ be kushuŋ nɛ b kraa wɔtɔ a shuŋ hale kabre ashi kaplɛkama nɛ Enyɛnpe Ebɔrɛ ŋini fanɛ b baa shuŋ mo na.

Joshuwa 9:7

Ama le nɛ Israɛlebi na daŋ kaŋɛ: “Manɛ so nɛ anyi nɛ menyi bee wora kɔnɔkoŋwule be ŋkre? Ashere anyi nɛ menyi maŋ chena n feŋ abar ga gba.”

1 Samuɛl 15:3

Men ya kɔ Amalɛkebi na nseŋ jija bumo be kusɔ kama nɛ b kɔ kikɛ kuraa. Men sa maŋ kaŋ yige shɛŋ shɛŋ. Men mɔ bumo be benyɛn nɛ beche nɛ mbia nɛ mbi popɔrbi kikɛ. Men mɔ bumo be ana nɛ mbolpɔ nɛ enyɔma nɛ ekurma gba.”