Ditɛronɔmi 2:9 - EBƆRƐ BE KAWƆL

⁹ Ndoŋ nna nɛ Enyɛnpe Ebɔrɛ na kaŋɛ ma le: “Men sa maŋ kaŋ tɔrɔ Mowab be basa nɛ b la Lɔt be kaman to ebi na ŋko n fara kena nɛ bumo. N teŋ ta kadegboŋ nɛ baa tre Ar na nna n sa bumo, ma alɛ maaŋ ta bumo be kasawule be kaba kama n sa menyi.”

Ditɛronɔmi 2:9 ပူးပေါင်းရင်းမြစ်များ

2 Kronikɛls 20:10

Naniere Ammɔn nɛ Mowab nɛ Edɔm be basa ba nɛ b ba kɔ anyi kena. An nananyɛnana ka lar Ijipt be efuli so a ba na, fo daa maŋ shuli nɛ b kɔ n sɔ loŋ be nsawule na, ŋkpal loŋ so an nananyɛnana daŋ maŋ mur bumo.

Nshɛ 83:8

Asiriya be efuli so ebi gba shuli so fanɛ baaŋ ya ti Ammɔnebi nɛ Mowabebi, nɛ b la Lɔt be kaman to ebi na so, nɛ b nya eleŋ n ti so.

Aizaaya 15:1

Kubɔya nɛ k wɔtɔ a laŋɛ efuli nɛ baa tre Mowab na be kaplɛa so nde. Kanyɛ koŋwule nɛ ndegboŋ nɛ baa tre Ar nɛ Kir na mur nɛ kakpa wora shruum ashi Mowab be kasawule so, ŋkpal shɛŋ ka maŋ naa wɔ kumo so so.

Nɔmbɛs 21:15

nɛ kumo be ketaŋɛ nɛ k gbelge to a yɔ Ar be kade to be kaba so a laŋɛ Mowab be kasawule be egbaŋ to na be asheŋ na.”

Nɔmbɛs 21:28

Sihɔn be benapo daa kɔ kena nna fanɛ edɛ ka bee chɔɔ a ba na. B daŋ mur Mowab be kade nɛ baa tre Ar na nna nseŋ jija bumo be abee ase be nsawule nɛ a wɔ Aanɔn be lɔrkar na kikɛ cheche.

Nɔmbɛs 22:4

Nɛ Mowabebi na kaŋɛ Midianebi be bejuŋkparpo na le: “Jimaŋ ere beeŋ ba mur anyi be kusɔ kama fanɛ kananɛ gbolu bee we afitiri adɛdɛ so ashi kupuŋ to na.” Amoso Ewura Balak

Ditɛronɔmi 2:29

hale nɛ an ya dii lɔr nɛ baa tre Jɔɔdan na n yɔ kasawule nɛ Enyɛnpe anyi be Ebɔrɛ na ta a sa anyi na so. Edɔmebi nɛ Mowabebi bre tiŋ n shin nɛ an bɔla bumo be nsawule so n choŋ.”

Ditɛronɔmi 2:5

ama men sa maŋ kaŋ fara kena nɛ bumo, ŋkpal manɛ so, m maaŋ ta bumo be kasawule, nɛ k fo fanɛ keyadra koŋwule gba, n sa menyi. N teŋ ta Edɔm be efuli na n sa Isɔɔ nɛ mbe kaman to ebi nna.

Demujipoana 11:15

nɛ b ya kaŋɛ: “Jɛfta yɛ an kaŋɛ fo fanɛ Israɛl maŋ sɔ kasawule kikɛ ashi Mowabebi nɛ Ammɔnebi kutɔ.

Demujipoana 11:17

Nɛ Israɛlebi na shuŋi mbɔ Edɔm be ewura kutɔ nɛ b ya kaŋɛ mo le: “Jande shin nɛ an kule m bɔla fo kasawule so n choŋ.” Ama Edɔm be ewura daa maŋ nu n sa bumo. Nɛ b naŋ shuŋi Mowab be ewura kutɔ nɛ mo alɛ gba kini. Ndoŋ nna nɛ Israɛlebi na shir n chena Kadɛsh.

Demujipoana 11:18

Kumo be kaman nɛ b koso m bɔla keshishɛrsawule na so ŋ gelge Edɔm nɛ Mowab be nsawule hale n ta n ya lar Aanɔn be lɔr be kaba ndoŋ a laŋɛ Mowab be epeŋilarkpa be kaba so. B daŋ maŋ luri Mowab be kasawule so, ŋkpal manɛ so, Aanɔn be lɔr na e la kumo be egbaŋ to.