Ditɛronɔmi 2:8 - EBƆRƐ BE KAWƆL

⁸ Amoso an ka wɔ enite na to na nɛ an ku Isɔɔ be kaman to ebi nɛ b la an kurgepoana na be kasawule n lɛ. An daŋ bɔla ekpa nɛ k dese nde nɛ baa tre Elaf nɛ Eziɔngɛba a yɔ Teku Wuso na ase na nna, nseŋ ya kilgi n sɔ keshishɛrsawule be ekpa nɛ k bee yɔ Mowab be kasawule so na.

Ditɛronɔmi 2:8 ပူးပေါင်းရင်းမြစ်များ

Jɛnesis 25:23

Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

1 Bewura 9:26

Kumo be kaman nɛ ewura Sɔlɔmɔn yɔ Eziɔngɛba nɛ Elaf nɛ a wɔ teku peper na be kɔnɔ ase na n yaa wora ekuloŋgboŋana.

2 Bewura 14:22

Uziya mo tuto ka wu na be kaman, nɛ e kɔ kena n sɔ Elaf nseŋ lɔŋɛ m pɔr kumo.

2 Bewura 16:6

Loŋ be saŋɛ na so gbagba nɛ Siriya be ewura Reezin laŋɛ n ya kɔ n sɔ Elaf nseŋ ju Judaebi nɛ b wɔ ndoŋ na. Kumo be kaman nɛ Edɔmebi ya chena Elam hale nɛ mbre.

Nɔmbɛs 21:4

Israɛlebi na ka lar kebeegboŋ nɛ baa tre Hɔɔr na ase n sɔ Teku peper na be kaba so a kra Edɔm be efuli a yɔ nɛ b nyiti ŋ gben,

Ditɛronɔmi 1:1

Mosis be mmalga nɛ e daŋ malga n sa Israɛl be basa jemanɛ nɛ b daa wɔ keshishɛrsawule so ashi lɔr nɛ baa tre Jɔɔdan na be epeŋilarkpa be kaba so na e wɔ kawɔl ere to na. B daa wɔ Jɔɔdan be ketaŋɛ nɛ k mata kade nɛ baa tre Suuf nɛ k dese kade nɛ baa tre Paran na nɛ nde nɛ baa tre Tofɛl nɛ Laban nɛ Hazerɔf nɛ Dizahab na be kefɛato nna.

Demujipoana 11:18

Kumo be kaman nɛ b koso m bɔla keshishɛrsawule na so ŋ gelge Edɔm nɛ Mowab be nsawule hale n ta n ya lar Aanɔn be lɔr be kaba ndoŋ a laŋɛ Mowab be epeŋilarkpa be kaba so. B daŋ maŋ luri Mowab be kasawule so, ŋkpal manɛ so, Aanɔn be lɔr na e la kumo be egbaŋ to.