Ditɛronɔmi 2:7 - EBƆRƐ BE KAWƆL

⁷ Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Ditɛronɔmi 2:7 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 24:35

Enyɛnpe Ebɔrɛ malɛ nɛfa n nyɛnpe Eebraham ga nɛ e dii dama. E sa mo mbolpɔ nɛ ana nɛ shuwa nɛ gbiti nɛ anya nyɛnso nɛ becheso nɛ enyɔma nɛ ekurma.

Jɛnesis 26:12

Aizek ka dɔ n duu asɔ kasawule na so nɛ e nya adɔjibi ga loŋ be kafɛ na ŋkpal Enyɛnpe Ebɔrɛ na ka nɛfa mo so so.

Jɛnesis 30:27

Nɛ Leeban kaŋɛ mo: “Jande, nɛ ma asheŋ bɔlɔ fo kenishi bre, fo baa kraa wɔtɔ, ŋkpal manɛ so, n wu fanɛ fo so nɛ Enyɛnpe na bee nɛfa ma.

Jɛnesis 39:3

Josɛf mo nyɛnpe Potifa ka wu fanɛ Enyɛnpe Ebɔrɛ na wɔ Josɛf kutɔ nsaa nɛfa kusɔ kama nɛ e bee wora na

Jɛnesis 39:5

Baŋ yili jemanɛ nɛ Potifa ta Josɛf ŋ ki mbe laŋ to nɛ mbe asɔ kikɛ so be enimu na, Enyɛnpe na daŋ kpal Josɛf so nna n nɛfa mbe laŋ to nɛ mbe ndɔ to be asɔ kikɛ nyam.

Nehemaya 9:21

Fo daŋ keni bumo so nɛnɛ, Nfɛ adena nɛ shɛŋ maŋ tir bumo. Bumo be asɔbuuso daa maŋ wu. Bumo be asɛbta daa maŋ ji, nɛ bumo be aya malɛ daa maŋ puŋi.

Job be kawɔl 23:10

Ama Ebɔrɛ bre nyi kusɔ kama nɛ mee wora, mo alɛ baŋ wora ma ŋ keni, e beeŋ wu ma fanɛ shuwa nɛ eyurpi maŋ wɔ kumo to.

Nshɛ 1:6

Enyɛnpe Ebɔrɛ na e naa kuŋ loŋ be basa nsaa ŋini bumo ekpa. Ama alubiworapoana bre be ekpa kɔ bumo nna a yɔ kemur to.

Nshɛ 107:4

Menyi be beko daŋ foe ashi keshishɛrsawule nɛ k maŋ kɔ shɛŋ na so nna, nsaa maŋ naŋ wu ekpa nɛ men bɛta m ba chena kadegboŋ na to.

Nshɛ 31:7

Ma kagbene beeŋ fuli ma, nɛ n ji eyur ŋkpal fo kasha nɛ k maa loge na so. Fo wu ma etɔrɔ nɛ awurfoŋ nseŋ chɛ ma to.

Nshɛ 90:17

Enyɛnpe anyi be Ebɔrɛ, shin nɛ fo nɛfa e baa wɔ anyi so, nseŋ shin nɛ asheŋ e baa nite nsaa loge to nɛnɛ a sa anyi!

Ɛksodɔs 16:35

Israɛlebi na daŋ ji manna na nfɛ adena nna. B ji amo hale n ya fo Keenan be kasawule so nseŋ chena ndoŋ.

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Hoziya 13:5

Ma e keni menyi so saŋɛ so nɛ men daa wɔ keshishɛrsawule tushiso na so na.

Eemɔs 2:10

Ma e lara menyi ashi Ijipt be kasawule so dra dra na ŋ keta menyi n nite kiyi to nfɛ adena nseŋ sɔ Amɔriebi be kasawule n sa menyi.

Nɔmbɛs 1:1

Israɛlebi na ka lar Ijipt be efuli so na be kafɛ nyɔsopo to be kufɔl nyɔsopo be kachɛ juŋkparso na, nɛ Enyɛnpe Ebɔrɛ malga Mosis kutɔ ashi Enyɛnpe be wajɛbu na to ashi Sainai be keshishɛrsawule na so ŋ kaŋɛ le:

Nɔmbɛs 14:33

Ŋkpal men ka maŋ kɔ yirda so, menyi be mbia beeŋ baa wɔ keshishɛrsawule ere so a kilgi to a ji awurfoŋ nfɛ adena hale nɛ menyi be esa lalalogesopo e wu.

Nɔmbɛs 14:34

Ŋkpal men ka ta nchɛ adena n dara efuli na so, menyeeŋ nite a kilgi to keshishɛrsawule ere so nfɛ adena. Kafɛ koŋwule kikɛ bee yili nna a sa kachɛ koŋwule. Ndoŋ nɛ menyeeŋ pin kananɛ ma kekilgi ŋ kɔ esa du.

Nɔmbɛs 22:12

Nɛ Enyɛnpe Ebɔrɛ kaŋɛ Balaam le: “Sa maŋ kaŋ tu basa ere n yɔ, fo alɛ maŋ kraa sho Israɛlebi na kɔnɔ, ŋkpal manɛ so ma nɛfa wɔ bumo so nna.”

Nɔmbɛs 32:13

Enyɛnpe Ebɔrɛ daŋ nya agbo nna n wɔtɔ Israɛlebi na nseŋ shin nɛ b nite keshishɛrsawule na so a kilgi to a kulti nfɛ adena, nɛ bumo to be bumo nɛ b daa maŋ wora Enyɛnpe Ebɔrɛ be aparsheŋ na kikɛ wu.

Luuk 22:35

Nɛ e bishi bumo le: “Ŋ ka daa maŋ ta kɔlgu ŋko adiiku ŋko asɛbta n shuŋi menyi nɛ men yɔ na, men daŋ ya paŋ kusɔ ko a?” Nɛ b kaŋɛ mo: “An daa maŋ ya paŋ shɛŋ.”

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Ditɛronɔmi 1:19

“Ade be kaman nɛ an wora kusɔ nɛ Enyɛnpe, anyi be Ebɔrɛ na kaŋɛ fanɛ an wora na nseŋ lar Sainai be kebee na ase m bɔla keshishɛrsawule palɛlɛ nɛ k kɔ kufu na so a yɔ Amɔriebi be kepreŋsawule so. An ka ya fo kakpa nɛ baa tre Kadɛsh Baania na,

Ditɛronɔmi 1:46

Amoso, nɛ an chena kakpa nɛ baa tre Kadɛsh na n chɛr na.

Ditɛronɔmi 2:14

An ka lar kakpa nɛ baa tre Kadɛsh Bania na be nfɛ adesa nɛ aburwa nna na. Benyɛn kama nɛ b daa tiŋ a kɔ kena loŋ be jemanɛ na kikɛ wu, fanɛ kananɛ Enyɛnpe Ebɔrɛ na kaŋɛ fanɛ baaŋ wu na.

Ditɛronɔmi 2:6

Menyeeŋ tiŋ n tɔ ajibi nɛ nchu bumo kutɔ jemanɛ nɛ men bɔla bumo be kasawule so a choŋ na bre.”

Ditɛronɔmi 29:4

Ama hale nɛ mbre loŋ be asɔ kraa maŋ shin nɛ men pin asheŋ nɛ men wu nseŋ nu na kikɛ to.

Ditɛronɔmi 29:5

Nfɛ adena nɛ Enyɛnpe Ebɔrɛ na juŋkpar menyi m bɔla keshishɛrsawule so na, menyi be asɔbuuso nɛ asɛbta malɛ daŋ maŋ wu kikɛ.

Joshuwa 5:6

Bumo be bekama nɛ b daŋ fo kena be kekɔ saŋɛ so nɛ Israɛlebi na daŋ lar Ijipt be kasawule so a na keshishɛrsawule na so nfɛ adena na bre kikɛ daŋ wu nna ŋkpal b ka maŋ wora Enyɛnpe Ebɔrɛ na kasonu so. Loŋ koŋwule na nɛ bumo nananyɛnana daŋ ta kusoe kpakpaso m paŋ kasawule lela nɛ Enyɛnpe Ebɔrɛ nase kɔnɔ fanɛ e beeŋ sa bumo na.