Ditɛronɔmi 2:4 - EBƆRƐ BE KAWƆL

⁴ Kumo be kaman nɛ e naŋ kaŋɛ ma fanɛ n ta mbraana ere n sa menyi: “Menyee sha kebɔla Edɔmebi nɛ b la Isɔɔ be kaman to ebi nseŋ naa la men kurgepoana na be kasawule so n choŋ nna na. Baaŋ baa ŋana menyi,

Ditɛronɔmi 2:4 ပူးပေါင်းရင်းမြစ်များ

Jɛnesis 25:23

Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

Jɛnesis 36:8

Amoso Isɔɔ nɛ mo koŋwule na la Edɔm na, daŋ ya chena Edɔm be efuli so be abee to nna.

Ɛksodɔs 15:15

Kufu beeŋ pɛ Edɔm be bewuraana nɛ Mowab be bejuŋkparpoana ga ŋkpal loŋ so. Keenan be basa kikɛ beeŋ pɔ aba,

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Luuk 12:15

Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”

Ɛfesesebi 5:15

Amoso, men baa de men be kebaawɔtɔ so nɛnɛ fanɛ benyiashempo, mannɛ fanɛ bewulpo.

Ditɛronɔmi 2:3

fanɛ an nite ŋ kulti apreŋ na so n chɛr ga, amoso an kilgi a yɔ kelargato be esoso be kaba so.

Ditɛronɔmi 23:7

Ama Edɔmebi bre la men kurgepoana nna nɛ menyi alɛ daa la befɔ Ijipt be efuli so. Amoso men sa maa keni Edɔmebi nɛ Ijiptebi na jiga.

Filipaiebi 2:15

Saŋɛ na so esa kama maaŋ wu kulubi kikɛ menyi so, ama menyeeŋ baa du cheembi a la Ebɔrɛ be mbia lela nɛ b wea nfɛralubiwuraana nɛ asheŋlubiwuraana to a wɔ durnya ere to. Men baa wɔ bumo to loŋ a du fanɛ achɛkpabi a fuli to a nyɛkpɛ a sa bumo,

Kɔlɔsiebi 4:5

Men baa kɔ kanyiasheŋ be kebaawɔtɔ a ŋini bumo nɛ b maŋ nyi Yesu Kristo bumo be ŋgbene to na. Men sa maa gal kumo be loŋ be kelela be kewora a lɛ.