Ditɛronɔmi 2:36 - EBƆRƐ BE KAWƆL

³⁶ Enyɛnpe anyi be Ebɔrɛ na daŋ shin nɛ an yili kade nɛ baa tre Arowa nɛ k wɔ Aanɔn be ketaŋɛ be ekarso na nɛ kadegboŋ nɛ k wɔ ketaŋɛ na to na nna ŋ kɔ n sɔ kasawule na kikɛ hale n ya fo Giliad be egbaŋ to. Ndeana na be kekama be egbalana be kebure daŋ maŋ du anyi so kpakpa.

Ditɛronɔmi 2:36 ပူးပေါင်းရင်းမြစ်များ

2 Samuɛl 24:5

B daŋ ya dii Jɔɔdan be Lɔr na nna n ya wora bumo be keeyito m mata kade nɛ baa tre Arowa nɛ k wɔ ketaŋɛ nɛ k wɔ Gad be kaba so na nna. Ndoŋ nɛ b yili n sɔ kelargato be esoso be kaba so n yɔ Jeza.

2 Bewura 10:33

nɛ k wɔ Jɔɔdan be lɔr na be epeŋilarkpa hale ya fo Arowa be kade to ashi lɔr nɛ baa tre Aanɔn na ase n ta Giliad nɛ Bashan gba be nsawule nɛ Gad nɛ Ruben nɛ Manase be eyiriana be nsawule gba n ti so.

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Aizaaya 17:2

Siriya be efuli so be ndegboŋ beeŋ ki nde nɛ ekama shile ka amo nɛ a dese fuloŋ. A beeŋ ki mbolpɔ nɛ ana be ejikpa nɛ esa kikɛ maaŋ baa ju amo a lar ndoŋ.

Jɛremaya 48:19

Menyi basa nɛ men wɔ kade nɛ baa tre Aruwa na e yili ekpakar a jo; saŋɛ na so bumo nɛ b shile a choŋ na kaŋ tu menyi nɛ men bishi bumo kusɔ nɛ k wora.

Nɔmbɛs 32:34

Gad be yiri na daŋ lɔŋɛ nna m pɔr Dibɔn nɛ Atarɔf nɛ Arowa nɛ

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 3:12

An ka sɔ kasawule na n loge na, nɛ n chige kumo be kaba nɛ k dese kade nɛ baa tre Arowa be kelargato be esoso be kaba so nɛ k mata Aanɔn be lɔr na ase na nɛ Giliad be kepreŋsawule na be kaba, n ta kumo so be ndeana n ti so n sa Ruben nɛ Gad be eyiri to ebi.

Ditɛronɔmi 4:48

Yili kade nɛ baa tre Arowa nɛ k mata Aanɔn be lɔr na be ketaŋɛ chiŋgeliŋ na n ya fo Hɛɛmɔn be kebeegboŋ nɛ k wɔ kelargato be esoso be kaba so na ase na daa la bumo be kasawule nna.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 12:2

Amɔriebi be ewura nɛ baa tre Sihɔn nɛ e daa ji Hishbɔn be kuwura na be efuli daŋ yili Giliad be kasawule be bargato ashi Arowa, nɛ k wɔ Aanɔn be ketaŋɛ na be ekarso na, nɛ kade nɛ k wɔ ketaŋɛ na be nferinto na, n ya fo Jabɔk be Lɔr ashi Ammɔn be kasawule be ekar.

Joshuwa 13:16

Bumo be kasawule na dese n ya fo Arowa nɛ k wɔ Aanɔn be ketaŋɛ be kɔnɔ na, nɛ kade nɛ k wɔ ketaŋɛ na be kefɛato na hale n ya fo kedeŋiso be kasawule nɛ k dese Mɛdiba na,

Joshuwa 13:9

Bumo be kasawule na dese n ya fo Arowa nɛ k wɔ Aanɔn be ketaŋɛ be kɔnɔ na, nɛ kade nɛ k wɔ ketaŋɛ na be nferinto na hale n ya fo kedeŋiso be kasawule nɛ k dese Mɛdiba n ya fo Dibɔn na.

Joshuwa 21:44

Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.

Demujipoana 11:22

K daŋ yili Aanɔn be lɔr na n ya fo Jabbɔk be lɔr na ase, n ta n ya fo keshishɛrsawule nɛ k wɔ epeŋilarkpa be kaba so hale n ya fo Jɔɔdan be lɔr na ase ashi epeŋitɔrkpa be kaba so.

Demujipoana 11:26

Israɛlebi na ka chena Hɛshbɔn nɛ Arowa nɛ ndewurbi nɛ ndegboŋ nɛ a wɔ Aanɔn be lɔr be kebɔr so na kikɛ be nfɛ alfa asa nna na. Mannɛ nna nɛ fo maŋ fin nsawule na be kesɔ jemanɛ tenteŋ ere kikɛ?