Ditɛronɔmi 2:29 - EBƆRƐ BE KAWƆL

²⁹ hale nɛ an ya dii lɔr nɛ baa tre Jɔɔdan na n yɔ kasawule nɛ Enyɛnpe anyi be Ebɔrɛ na ta a sa anyi na so. Edɔmebi nɛ Mowabebi bre tiŋ n shin nɛ an bɔla bumo be nsawule so n choŋ.”

Ditɛronɔmi 2:29 ပူးပေါင်းရင်းမြစ်များ

Jɛnesis 19:37

Ndoŋ nna nɛ Lɔt pibi gboŋiso na kurge ebinyɛn nseŋ nase mbe ketre Mowab. Mo e ba ki Mowabebi bumo nananyɛn hale nɛ mbre.

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Nɔmbɛs 20:18

Ndoŋ nna nɛ Edɔm be ewura na kaŋɛ le: “M maaŋ shin nɛ men bɔla ma efuli so n choŋ! Men baŋ bɔla ndoŋ anyeeŋ lar ŋ kɔ menyi kena.”

Ditɛronɔmi 1:8

Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 2:9

Ndoŋ nna nɛ Enyɛnpe Ebɔrɛ na kaŋɛ ma le: “Men sa maŋ kaŋ tɔrɔ Mowab be basa nɛ b la Lɔt be kaman to ebi na ŋko n fara kena nɛ bumo. N teŋ ta kadegboŋ nɛ baa tre Ar na nna n sa bumo, ma alɛ maaŋ ta bumo be kasawule be kaba kama n sa menyi.”

Ditɛronɔmi 23:5

Ama Enyɛnpe menyi be Ebɔrɛ na daŋ maŋ nu n sa Balaam. Kusɔ nɛ e daŋ wora e la fanɛ e kilgi shoduu na nna ŋ ki nɛfa ŋkpal e ka bee sha menyi so.

Ditɛronɔmi 25:15

Men baa ta asɔ nɛ a daga a karga asɔ be egbɛ ŋko amo be kananɛ a sa, saŋɛ na so menyi beeŋ chena kasawule nɛ Enyɛnpe menyi be Ebɔrɛ na bee sa menyi na so n chɛr.

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Ditɛronɔmi 4:21

Ŋkpal menyi so nɛ Enyɛnpe Ebɔrɛ na nya agbo n wɔtɔ ma, nseŋ bɔ ntaŋ fanɛ m maaŋ dii Jɔɔdan be Lɔr na n yɔ kasawule lela nɛ e ta a sa menyi na so.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

Ditɛronɔmi 9:6

A daga men baa nyi fanɛ Enyɛnpe menyi be Ebɔrɛ na maa ta kasawule lela nɛ k bee wora adɔjibi ga na nna a sa menyi ŋkpal k ka daga menyi so. Mannɛ aloŋ nna, ŋkpal manɛ so, men kpeŋ nna.