Ditɛronɔmi 2:24 - EBƆRƐ BE KAWƆL

²⁴ An ka bɔla Mowabebi be kasawule so n choŋ na be kaman, nɛ Enyɛnpe Ebɔrɛ naŋ kaŋɛ anyi le: “To, men fara n dii lɔr nɛ baa tre Aanɔn na. Mee ta Amɔriebi be ewura nɛ e wɔ Hɛshbɔn nɛ baa tre mo Sihɔn nɛ mbe efuli a bɔɔ menyi enɔ nna. Amoso, men yɔ n ya kɔ mo nseŋ sɔ kasawule na n chena so.

Ditɛronɔmi 2:24 ပူးပေါင်းရင်းမြစ်များ

2 Kronikɛls 36:23

“Ma Sairus nɛ n la Pɛshiya be efuli so be ewurgboŋ na e naa kaŋɛ menyi le na fanɛ Enyɛnpe Ebɔrɛ nɛ e wɔ ebɔrɛso na e ta durnya ere kikɛ be kuwura m buu ma nseŋ ta bɔrɛlambu na be kepɔr ashi Jerusalɛm nɛ k wɔ Juda be efuli so na be kushuŋ n sa ma. Amoso, menyi bekama nɛ men la Ebɔrɛ be basa na e yɔ n ya lɔŋɛ bɔrɛlambu na m pɔr. Enyɛnpe menyi be Ebɔrɛ na e baa wɔ menyi kutɔ.”

Ɛzra 1:2

kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Ezikɛl 29:20

Ŋkpal manɛ so, ewura na nɛ mbe benapo kikɛ daa shuŋ nna a sa ma, Enyɛnpetale Ebɔrɛ na.

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Nɔmbɛs 21:12

Kumo alɛ be kaman nɛ b ya wora bumo be keeyi to ashi Zɛrɛd be kebeemase.

Ditɛronɔmi 2:36

Enyɛnpe anyi be Ebɔrɛ na daŋ shin nɛ an yili kade nɛ baa tre Arowa nɛ k wɔ Aanɔn be ketaŋɛ be ekarso na nɛ kadegboŋ nɛ k wɔ ketaŋɛ na to na nna ŋ kɔ n sɔ kasawule na kikɛ hale n ya fo Giliad be egbaŋ to. Ndeana na be kekama be egbalana be kebure daŋ maŋ du anyi so kpakpa.

Joshuwa 6:16

B ka bee kulti kela shunusopo na, nɛ bɔrɛmatapoana na foŋ bumo mbel na n chɛr nɛ Joshuwa ponte ŋ kaŋɛ basa na le: “Men cha awɔr, ŋkpal manɛ so Enyɛnpe Ebɔrɛ na ta kade ere nna m bɔɔ menyi enɔ.