Ditɛronɔmi 2:23 - EBƆRƐ BE KAWƆL

²³ Katuŋ ko ebi nɛ baa tre Avvim na e daa wɔ ndekarso nɛ a dese hale n ya lar kadegboŋ nɛ baa tre Gaaza na ashi epeŋilarkpa kaba so ndoŋ, nɛ Filistiebi nɛ b daa wɔ kepla nɛ baa tre Kriit na ba m ba mɔ bumo nseŋ sɔ kasawule na n chena so.)

Ditɛronɔmi 2:23 ပူးပေါင်းရင်းမြစ်များ

Jɛnesis 10:14

Misraim koŋwule na to nɛ basa nɛ baa tre Patrɔsebi nɛ Kasluhebi nɛ Kaftorebi na gba daŋ shi. Filistiebi shi Kasluhe be basa na to nna.

Jɛnesis 10:19

B yili Sidɔn n sɔ Gerar be kaba so loŋ n ya fo Gaaza nseŋ naŋ yili ndoŋ malɛ n sɔ Sodɔm nɛ Gomɔra nɛ Adma nɛ Zeboyim be kaba so loŋ n ya fo Lasha.

1 Bewura 4:24

Ewura Sɔlɔmɔn e daa ji yili Yufreetes be Lɔr na be epeŋilarkpa be kaba so be kasawule nɛ k yili Tipsa n ya fo Gaaza nɛ k wɔ epeŋitɔrkpa be kaba so na so kuwura. Bewura nɛ b daa wɔ Yufreetes be epeŋitɔrkpa be kaba so na daa shuŋ mo nna nɛ kayurwushi daa wɔ mo nɛ bumo nɛ mbe bechenashapoana be kefɛato.

2 Bewura 18:8

E daŋ kɔ m pɔɔ Filistiebi na so nna nseŋ sɔ bumo be ndewurbiana nɛ ndegboŋana kikɛ hale n ya fo Gaaza be kasawule so kikɛ.

1 Kronikɛls 1:12

nɛ Patrɔs nɛ Kaslu nɛ Kreet, nɛ Filistiebi shi na, be basa.

Jɛremaya 47:4

Filistiebi be kemur be saŋɛ fo, saŋɛ fo nɛ bumo be ndegboŋ nɛ baa tre Tayɛ nɛ Sidɔn na e mur nɛ b maaŋ naŋ nya kechɛto. Ma, Enyɛnpe Ebɔrɛ na e naaŋ mur Filistiebi nɛ b shi keplasawule nɛ baa tre Kriit na m ba na.

Eemɔs 9:7

Le nɛ Enyɛnpe Ebɔrɛ na bee kaŋɛ: “Kananɛ m baa fɛ menyi Israɛl be basa be asheŋ na, loŋ koŋwule na nɛ mee fɛ Itiopia be basa gba be asheŋ. Mannɛ ma e lara Filistiebi na ashi Kreet be kasawule nɛ nchu kulti n wɔtɔ na, nɛ Siriyaebi ashi Kiir fanɛ kananɛ n lara menyi ashi Ijipt be efuli so dra dra na a?

Zefanaiya 2:4

Shɛŋ maaŋ naŋ ka a wɔ Filistiebi be ndegboŋana ere to. Shɛŋ maaŋ ka Gaza to. Ekama beeŋ kaa ashi Ashkɛlɔn be kade to. Baaŋ ju Ashdɔd be basa malɛ n lar kapiidi nseŋ ta kena n ya purgi basa nɛ b wɔ Ekrɔn na, nɛ b shile n lar bumo be kade na to.

Zakareya 9:5

Filisti be efuli so be basa nɛ b wɔ kade nɛ baa tre Ashkɛlɔn na beeŋ wu kusɔ nɛ k wora na nɛ kufu e pɛ bumo nɛ ebesa damta e ji basa nɛ b wɔ Gaza be kadegboŋ to na. Aloŋ e naŋ wora Ekrɔn be kadegboŋ to ebi gba. Bumo be tama beeŋ loge, ŋkpal b ka nyi fanɛ bumo alɛ gba beeŋ kɔ n tɔr so. Gaza beeŋ paŋ kumo be ewura nɛ Ashkɛlɔn e ki kade bureso a dese fuloŋ.

Ashuŋ Shunso 17:26

Esa koŋwule nɛ e daŋ fara n to nseŋ bɔla mo to n to yiri kikɛ n shin nɛ b sɔ kasawule so kikɛ nyam a wɔtɔ na. Mo gbagba malɛ e daŋ yili saŋɛ nɛ kakpa nɛ baaŋ ba kaa wɔ pɔɛŋ nseŋ to bumo.

Joshuwa 10:41

Joshuwa daŋ kɔ m pɔɔ efuliana nɛ a yili Kadɛsh Bania nɛ k wɔ kelargato be kaseto be kaba so n ya fo Gaaza nɛ k wɔ teku be kɔnɔ ase, n ta Goshen be efuli kikɛ n ti so hale n ya fo Gibiɔn nɛ k wɔ kelargato be esoso be kaba so na so nna.

Joshuwa 11:22

Anakebi na be ekama daa maŋ naa wɔ Israɛl be efuli so. Gaaza nɛ Gaaf nɛ Ashdɔd nawule nɛ beko daa wɔ.

Joshuwa 13:3

nɛ Avvim be efuli ashi kelargato be kaseto be kaba so. Kumo e yili Shihɔr be kabombi nɛ k wɔ Ijipt be ekar n ya fo Ekrɔn be ekar ashi kelargato be esoso nɛ baa tre kumo Keenanebi be kasawule na. Ndoŋ be nde e la Gaaza nɛ Ashdɔd nɛ Ashkɛlɔn nɛ Gaaf nɛ Ekrɔn nɛ Filistiebi be bewura daa wɔ na.

Joshuwa 15:47

n ta Ashdɔd nɛ Gaaza nɛ amo be ndegboŋ nɛ awurbi hale n ya fo kabombi nɛ k wɔ Ijipt be kasawule be ekar na, n ta nde nɛ a wɔ Mɛditerenia be Teku ase na kikɛ n ti so.

Demujipoana 1:18

Judaebi na daŋ naŋ kɔ m pɔɔ ndegboŋ nɛ baa tre Gaaza nɛ Ashkɛlɔn nɛ Ekrɔn na nɛ nsawule nɛ a mata amo be kekama na so nna.